Порно актерот Џони Синс за лошата страна на кариерата: „Тешко е да се одржи бракот, двајцата го работиме истото“

Актерот признава дека благодарение на големиот број мемиња речиси и да не може да излезе на улица без некој да го препознае, а најчесто луѓето го застануваат за да се фотографираат, и тоа особено му пречи.

Како што вели, најтешко му е кога луѓето ќе го застанат на аеродром или на друго јавно место каде што сака да помине брзо и незабележано.

„Една работа што најмногу ми помогна е кога почнавме да носиме маски за лице во пандемијата.

Сѐ уште носам маска за лице кога не сакам никој да ме препознае“ – рече тој и додава дека тогаш се чувствувал ослободено од погледите на луѓето што постојано го гледаат како да го познаваат затоа што го виделе во „интимните“ мигови.

Освен што му пречи тоа што честопати го препознаваат, Џони вели дека неговата кариера му претставува вистински предизвик и во поглед на бракот со Киса Синс, со која се заедно околу 10 години.

Киса исто така работи како порно ѕвезда, но таа најчесто снима филмови заедно со него, а тој вели дека во нивниот случај е потребно да вложат многу напор за да успеат да го задржат заедничкиот живот.

„Мора да бидете искрени со партнерката и да ѝ дозволите да знае каде сте и што правите, па да ја уверите дека кога снимате нешто, тогаш само ја работите својата работа.

Нашата работа е иста како сите други. На работното место имаме отворена врска, но во домот постојат граници“ – рече тој.

Од друга страна, пак, Киса на социјалните мрежи тврди дека тие имаат отворен брак и дека честопати им се случува да водат одвоен живот: односно тој да има врски со други жени, а таа со други мажи, но тоа не значи дека се разведуваат.

?lang=en

 Б. С. Б. | Црнобело