Го криеле под кревет во Втора светска војна, 2 пати е украден: Лудата историја на првиот трофеј за Светско

Бараси го зел трофејот кај него дома, го ставил во кутија за чевли, па го скрил под неговиот кревет и со тоа го спасил.

Многу години подоцна, во 1966 година, се случила првата кражба на трофејот.

Англија била домаќин на Светско, а трофејот би поставен во Central Hall Westminster, како дел од изложба, каде фудбалските фанови имале можности да го видат во живо.

Но, неколку месеци пред почетокот на првенството, трофејот бил украден.

Полицијата трагала, била понудена голема парична награда, но поминале неколку денови и никој не можел да го лоцира трофејот.

Околу една недела по кражбата, трофејот конечно бил лоциран, и тоа благодарение на куче.

Британецот Дејвид Корбет шетал со неговото куче во Јужен Лондон, кога тоа почнало да душка предмет завиткан со весници.

Предметот бил украдениот трофеј, но не е познато како завршил таму ниту кој бил крадецот.

Англија победи на првенството и трофејот остана таму сè до 1970 година, кога победи Бразил.

Дотогаш ова беше трета победа на Бразил на Светско и поради тогашните правила, земјата доби право да го задржи трофејот перманентно.

Токму тогаш беше направен и новиот трофеј што го гледаме денес, додека Бразил гордо го задржа стариот.

Но, во 1983 година, трофејот Жил Риме беше украден еднаш.

Иако бил чуван во седиштето на Бразилската фудбалска федерација во Рио де Жанеиро со големо обезбедување, сепак некој успеал да го украде.

Оттогаш на трофејот му се губи секаква трага и никој не знае ни кој го украл, ни каде завршил.

Некои мислат дека трофејот веројатно бил стопен за да може да се продаде без да се лоцира.

Но, други мислат дека веројатно завршил кај некој богат колекционер кој го купил од црниот пазар.

Спирова С. | Црнобело