Ноле остро одговори на провокација од новинар: „Јас цел живот бркам некого за титула, а мене никој, така?“

Детали

четврток, 29 јануари 2026

По пласманот во полуфиналето на Австралија Опен, Новак Ѓоковиќ се објаснува со дрзок новинар за тоа колкави се неговите успеси во текот на тениската кариера - видеото од нивниот разговор на пресконференцијата е вирално.

Новак Ѓоковиќ се пласираше во полуфиналето на Австралија Опен, по меч во кој губеше 2:0 во сетови, но водеше 3:1 во третиот сет.

Поради повреда, неговиот противник, Лоренцо Мусети, го предаде мечот, а Новак по победата, замина на прес конференција со спортски новинари од целиот свет.

Меѓу нив беше и еден кој делува како да е решен да го испровоцира некогаш најдобриот светски тенисер и да го минимизира неговото „владеење“ на тениските терени кое траеше подолго од една деценија.

Своето прашење новинарот го почна со коментар: „На почетокот на кариерата ги бркавте Роџер и Рафа за титули, а сега на крајот Јаник и Карлос...“

Новак го прекинува со прашање „во кој смисол тој трча по двајцата млади тенисери“, на што новинарот му вели дека прашањето е во „смисол на освојување титули во овој момент“.

Иако е познат по својот избувлив темперамент, Ноле смирено прашува: „Значи, јас сум тој што брка постојано, мене никогаш не ме бркале?“

Новинарот му вели дека во меѓувреме освоил 24 Гренд слем турнири.

„Благодарам. Вреди да се спомене и тоа некогаш, зар не?“ го прашува Новак.

Иако се извинува, новинарот повторно го поставува прашањето слично, со фокус на периодите кога Новак не бил на самиот врв, иако блиску до него, и кога други тенисери освојувале титули, но не и тој.

„Па, ми се чини дека е малку непочитувачки да го прескокнете сè што се случи помеѓу - периодот кога јас, како што велите, почнав да ги бркам Рафа и Роџер и сега, кога наводно ги бркам Карлос и Јаник.

Веројатно има околу 15 години помеѓу тие два момента во кои доминирав на Гренд слем турнирите. Мислам дека е важно да се стави тоа во перспектива. Искрено, не чувствувам дека бркам некого.

Роџер и Рафа секогаш ќе бидат мои најголеми ривали. Имам огромна почит кон она што го прават Јаник и Карлос, што продолжуваат да го прават и што ќе прават во следните 10 до 15, можеби 20 години. Бог знае колку долго ќе играат, толку се млади.

Тоа е еден вид природен циклус во спортот. Ќе има уште две суперѕвезди, можеби трет играч - за кого ќе навивам, бидејќи секогаш бев тој трет играч на почетокот на мојата кариера - но тоа е добро за нашиот спорт.

Мислам дека овие ривалства и спротивностите во карактерите и стиловите на играње се многу добри за тенисот. Како тоа влијае на мене? Како што реков, не чувствувам дека трчам по никого“, одговара Новак.

-

Видеото од непријатниот дел на прес конференцијата е вирално, а коментарите на фановите на Новак, објавени на Твитер се дека тенисерот дури и бил културен во својот одговор:

„Лесен ритерн винер против новинарот“.

?s=46&t=1AsoJokWlvkAcWbYcoqbwQ

„Обожавам што, колку што е постар Ѓоковиќ, толку повеќе се однесува кон го**ата од судии, новинари и организатори на турнири како Микс од Зорица Марковиќ и Срѓан Ѓоковиќ“.

?s=46&t=1AsoJokWlvkAcWbYcoqbwQ

„Каков безобразлук... А Новак се смешка“.

?s=46&t=1AsoJokWlvkAcWbYcoqbwQ

А. Ј. | Црнобело