„Извинете, може ли тато да излезе малку?“ – Слатко видео од синот на Ѓоковиќ кој упадна на прес-конференција

Детали

среда, 05 ноември 2025

Децата на Новак и мајка им Јелена упаднаа на неговата прес-конференција, а тој се пошегува со нив: „Да не имате вие нешто да ме прашате, за тенисот или за мојата коса?“, а мама Јелена го извади синот Стефан од непријатно па го побара сопругот да излезе. 

Новак Ѓоковиќ игра на Грчкото првенство во Атина, каде неодамна се пресели со семејството, а по победата во турнирот замина на прес-конференција.

Но, додека зборуваше со претставници од медиумите, во салата влегоа неговите деца Стефан и Тара, заедно со мајка им Јелена која ѕиркаше низ врата и приредија непланирано шоу за присутните.

Синот Стефан влегува и на сите им вели „здраво“ на англиски, а тато Новак слатко се шегува со него.

„Да не имате вас двајца да ме прашате нешто, за мечот или можеби нешто за мојата фризура?“, на што синот одговара „Немаме“.

Јелена, сакајќи да го извади од непријатна ситуација, вели дека само сакале да се поздрават и прашува:

„Дали ќе може да ви го земеме (Новак) на секунда, па ќе се врати?“.

Тенисерот им одговара дека за минута ќе заврши и ќе дојде кај нив, а видеото од моментот вирално се шири.

Многумина ги потсети на она кога децата ќе упаднат среде школски час, па српските медиуми го објавија со опис „Извинете што прекинуваме, ќе може ли тато да излезе малку?“.

Погледнете го видеото:

Прочитајте и Новак Ѓоковиќ откри зошто се пресели во Атина со семејството: „Го сакаме најдоброто за децата“

М. М. | Црнобело