Новак Ѓоковиќ откри зошто се пресели во Атина со семејството: „Го сакаме најдоброто за децата“

Детали

вторник, 04 ноември 2025

Новак Ѓоковиќ се исели од Србија и избега од контроверзии, мирот го пронајде во Атина и за првпат проговори за одлуката: „Искрено, не го планирав ова многу однапред. Всушност, многу работи се случија во последните две години и донесов нови одлуки. Имаме две мали деца и се трудиме да се адаптираме и да ја најдеме најдобрата средина за нив“. 

Новак Ѓоковиќ заедно со сопругата Јелена и двете деца Стефан и Тара, се пресели во Атина.

Во медиумите се шпекулираше дека причината e тоа што стана мета на власта откако отворено ги поддржа студентските протести против српската влада.

Сепак тој никогаш го нема потврдено ова, а во интервју за грчкиот медиум SDNA, тенисерот сега за првпат проговори за селидбата.

„Искрено, не го планирав ова многу однапред. Всушност, многу работи се случија во последните две години и донесов нови одлуки, професионално и приватно.

Но, тоа е животот. Имаме две мали деца и се трудиме да се адаптираме и да ја најдеме најдобрата средина за нив.

Тоа ни е приотет – тие да пораснат во околина која што е колку што е можно поповолна за нивното психолошко, физичко и емоционално здравје.

И на крајот на краиштата, сакаме да имаме повеќе време за нас како семејство“ – вели Новак по повод селењето во грчката престолнина.

Инаку, Ѓоковиќ моментално се подготвува за неговото прво грчко првенство, а изминатиот период го користеше за уживање во Атина, посета на знаменитости, шопинг со синот и дружење со фанови кои го застануваат за фотографија.

„Полнење со енергија од грчките богови“ – напиша тој на последните фотки на кои позира во Атина.

5

Децата Стефан и Тара се запишани во приватно британско училиште, а целото семејство изгледа како да ужива во грчката ера, каде се топло пречекани од локалниот народ. 

М. М. | Црнобело