Родителите биле на вечера кога таа исчезна, ги обвинуваа дека го скриле нејзиното тело – Која е Медлин МекКен, девојчето по кое се трага 16 години?

Во 2008-ма година португалската полиција го затворила случајот, но мајка ѝ на Медлин, Кејти објавила книга во 2012-та година и во 2013-та година британската полиција потврдила дека има околу 41 лице што би можеле да бидат осомничени за киднапирањето.

Во 2014-та година BBC објавил фотографии од маж кој носи русокосо девојче во Праја да Луз во истиот период кога Медлин исчезнала и ова бил доволен мотив за Португалија повторно да ја отвори истрагата.

Првиот доказ бил добиен во 2020-та година, кога со помош на германската полиција било утврдено дека германскиот осудуван педофил Кристијан Брукнер престојувал во истиот период со кампер во непосредна близина на одморалиштето каде било сместено семејството на Медлин.

Германската полиција тврди дека Брукнер има поврзаност со исчезнувањето на Медлин, но засега немаат докази што ќе го потврдат тоа. Според тврдењата, тој една вечер додека бил пијан, делото му го признал на својот најдобар пријател.

Во таа насока се одвива и потрагата во резервоарот во близина на Праја ла Луз, а властите веруваат дека педофилот најверојатно го убил девојчето и се бараат докази.

Се смета дека британската полиција досега потрошила 13 милиони британски фунти за потрагата по девојчето, а во 2019-та година на Нетфликс беше објавен филм посветен на мистериозното исчезнување на Медлин, насловен The Disappearance Of Madeleine McCann.

Досега имало повеќе дојави во кои голем број очевидци тврделе дека виделе девојче што наликува на Медлин, во Нов Зеланд, Европа, Африка и САД, а една девојка дури и тврдеше дека таа е Меделин, но со ДНК анализа беше докажано дека нејзините тврдења не се точни.

Б. С. Б. | Црнобело