Необична традиција во Англија: 1.300 луѓе се бањаат голи во море за да ја прослават есенската рамноденица (18+)

Детали

понеделник, 25 септември 2023

Веќе 11 години по ред, во област во Англија локалците, но и туристи од други места, ја слават есенската рамноденица така што се бањаат голи во Северното Море. Годинава на прославата се собраа над 1.300 луѓе кои истовремено собраа и пари за добротворна организација.

На 23-ти септември беше есенската рамноденица, а за овој феномен во Англија се одржува навистина необична традиција.

Во областа Нортамберленд во Северна Англија, веќе 11 години по ред, група луѓе се бањаат голи во Северното Море. Традицијата е позната како North East Skinny Dips.

Годинава на настанот присуствуваа околу 1.300 луѓе кои без облека, но дел од нив со шешири, капи и перики, влегоа во морето. Температурата на водата овој период е околу 16 степени Целзиусови.

Настанот се одржа во недела наутро (24.09), а покрај тоа што има за цел да ја обележи рамноденицата, ова е и настан од хуманитарен карактер.

На пример, годинава беа собрани над 100.000 евра за добротворна организација која се фокусира на проблеми со менталното здравје.

„Нема подобар начин да се прослави есенската рамноденица од тоа да се соблечеме голи на изгрејсонце и слободно да истрчаме во Северното Море со стотици други луѓе.

Овој настан е славење на животот, на природата. Славење на нашите уникатни физичка тела“, велат организаторите.

Покрај тоа, целта е и да се привлече внимание за проблемите со менталното здравје, но и дружбата и поддршката помеѓу учесниците.

„Можеби најважно, настанот е за да си покажеме поддршка едни на други во ова чудно нешто наречено живот.

Сите се пријателски настроени и новите учесници се добредојдени. Овде создаваме прекрасна атмосфера на обединетост и соединување со природата. Секој е добредојден!“, велат организаторите.

Повеќе фотки на следната страница...