Инспиративна инфлуенсерка гордо ја покажува стомата: „Со години ја криев, но сега ќе се натпреварувам на Мис Универзум“

Детали

четврток, 17 јули 2025

Уште од детството, на моделот и инфлуенсерка Сара Левит ѝ била направена стома поради Кронова болест. Со години таа се срамела и пробувала да ја скрие, но сега сака да биде инспирација за девојки и жени со стома кои се несигурни поради својата состојба.

Сара Левит е модел и инфлуенсерка чија цел е да ги сруши предрасудите за луѓето кои носат стома.

30-годишната убавица целиот живот води битка со Кронова болест поради што мора да носи стома.

Вели, пола живот пробувала да ја скрие стомата, но сега сфатила дека е време храбро да ја покаже за да ја зголеми свесноста за овој здравствен проблем, но и да ги инспирира другите луѓе кои се во иста положба.

Годинава, Сара ќе се натпреварува на Мис Универзум Канада, а тоа што стекна поголема популарност поради натпреварот дополнително ја мотивира да биде гласна за својата здравствена состојба и да ја сподели својата приказна.

Сара била дијагностицирана со улцеративен колитис на само 3-годишна возраст, откако мајка ѝ забележала дека има крв во столицата, плаче често и речиси и да нема апетит.

По низа тестови, добила дијагноза, но ситуацијата се влошила бидејќи заболувањето прогресирало во Кронова болест.

Следните две години, Сара вели дека биле најтешките од нејзиниот живот.

Често престојувала во болница, некогаш и по четири месеци, а бидејќи имала ослабен имунитет поради терапиите, морала целосно да биде изолирана од надворешниот свет. Пиела и до седум разни лекови, а се хранела преку цевка во носот.

„Имав едвај 18 килограми на 11-годишна возрат. Бев коски и кожа, а поради терапијата лицето ми беше отечено“.

Лекарите пробувале разни терапии, но состојбата на Сара само се влошувала. Па, морала да престане да оди и на училиште.

Кога лекарите веќе не знаеле како да ѝ помогнат, предложиле операција за да ѝ се направи стома. Додека да дојде операцијата на ред, Сара имала сериозни проблеми со неисхранетост и постојано била во болка.

Конечно, во 2008-ма, операцијата ѝ била направена.

„Не сакав да ми прават стома. Како мала, не можев ни да сонувам дека ќе станам модел со стома. Само сакав да бидам нормална. Да имам живот и да не чувствувам болка“.

Стома е отвор на стомакот кој се прави хируршки, со цел преку него да се исфрлаат отпадните материи во телото. На стомата има специјално направена кеса, во која се собираат материите.

Сара немала избор – ако не ѝ ја направиле операцијата, можела да го изгуби животот. Но, вели, поради стигмата околу стомата, се двоумела, без разлика што во прашање бил нејзиниот живот.

„Нормално, се плашев како ќе ми изгледа животот со стома. Се чувствував многу осамено. Мислев дека луѓето ќе ми велат дека сум одвратна, дека на мене имам кеса со измет.

Дека никогаш нема да ме гледаат како убава. Чувствував само страв“.

Сара се плашела да каже на кој било дека има стома, па ја криела својата состојба.

„Целата моја болест се врти околу фекални материи, што и онака е стигма. Но, сега буквално имав кеса со измет на мене и се чувствував како да сум се разбудила во најлошиот пекол“.

Продолжува на следната страница...