Има отворен брак со сопругата, љубовницата го тужи за пари – Бурниот љубовен живот на поранешниот директор на Гугл

Детали

вторник, 21 октомври 2025

Поранешниот извршен директор на Гугл, Ерик Шмит, 45 години е во брак со сопругата Венди. Но, низ годините, тој имал неколку врски со моќни жени кои не ги криеше од јавноста. Последната афера заврши и со тужба, па милијардерот е обвинет за демнење, па и насилство врз 39 години помладата девојка.

Ерик Шмит е поранешен извршен директор на Гугл, но периодов привлекува многу повеќе внимание со љубовниот живот, отколку со успешната кариера.

70-годишниот Ерик, иако е во брак, подолг период беше во врска со 30-годишна жена која сега, пак, го тужи за вознемирување.

Ерик Шмит и Мишел Ритер ја почнаа врската во 2021 година. Тогаш милијардерот ѝ помогна да основа своја стартап компанија, вложувајќи 100 милиони долари.

Според она што е познато за јавноста, до мај 2024-та веќе се разделиле, а само неколку месеци подоцна почнала и нивната судска битка.

Најпрво во септември 2024-та, Ерик поднел тужба против Мишел за прекршување на договор за компанијата што ја основале.

Потоа, кон крајот на истата година, Мишел го обвини милијардерот дека ја исклучил од фирмата што таа ја основа со помош на неговите пари.

Милијардерот ги нарече обвиненијата апсурдни, а во декември Мишел и Ерик да успеат да направат спогодба.

Богатството на Ерик изнесува над 44 милијарди долари и тој ѝ исплатил значителна сума на поранешната љубовница.

Но, само една недела подоцна, Мишел поднела уште една тужба, овој пат за семено насилство, како и демнење.

Според тужбата, Мишел стравувала за својата безбедност и вели дека немала каде да се скрие.

„Имајте ја предвид технолошката позадина на Ерик. Буквално не можам да имам приватен телефонски повик или да испратам приватен мејл без да биде надгледуван“, навела Мишел во тужбата.

Според Мишел, Ерик наредил да ги следат дури и нејзините родители. Кога тие забележале дека некој ги следи, повикале полиција.

Полицајците го испрашале демначот кој им кажал дека работел како приватно обезбедување на милијардерот.

„За жал, мојот поранешен партнер е екстремно моќен и успеа да ми спречи пристап до безбедни информации, уреди, финансиски средства и бизниси или, едноставно, да ме остави да живеам во мир“.

На почетокот од 2025 година, тие повторно направиле спогодба, па Мишел ја повлекла тужбата.

Според извори блиски до милијардерот, воопшто не било точно дека Ерик бил насилен кон Мишел, ниту дека ја демнел.

Целата драма била околу компанијата што ја основале заедно.

„Ерик инвестира многу во нејзината компанија и, за жал, не функционираше како што се надеваа.

Сега Мишел пробува да ги избегне нејзините обврски наведени во договорот“.

Иако Мишел ја повлече тужбата за наводно насилство, правната битка меѓу неа и милијардерот уште трае, а извори блиски до него сметаат дека нејзината цел се пари и ништо друго.

Инаку, Ерик Шмит веќе 45 години е во брак со сопругата Венди Шмит. Бидејќи не ја криеше врската со Мишел, се шпекулира дека со сопругата имаат „отворен“ брак.

Впрочем, милијардерот има и статус на „женкар“, па низ годините имал неколку врски со моќни и познати жени кои воопшто не ги криел од јавноста.

Тој беше извршен директор на Гугл од 2001 до 2011 година. Потоа од 2011 до 2018 година беше претседател на управниот одбор.

И бившата девојка Мишел има завидно портфолио – во 2021 година била соработник за сајбер истражувања на Универзитетот Стенфорд. Овој период го запознала и милијардерот.

Исто така работела во американското министерство за внатрешна безбедност како сајбер експерт.

Спирова С. | Црнобело