Следете во живо: Папата Лав ќе ја благослови Саграда Фамилија, на 100-годишнината од смртта на Гауди (видео)

Детали

среда, 10 јуни 2026

Во февруари годинава, по повеќе од 100 години од почетокот на изградбата, конечно беше ставен крстот на Кулата на Исус Христос кој тежи 100 тона, со што се комплетираше финалната висина на Саграда Фамилија - денес папата Лав XIV ќе има свечена миса и благословување на највисоката црква во светот. 

По повеќе од 144 години откако е започната изградбата на Саграда Фамилија во Барселона, во февруари годинава, највисоката црква во светот ја достигна финалната висина од 172 метри, со инсталацијата на последниот елемент, крстот на централната Кула на Исус Христос.

Крстот кој е круна на Кулата на Исус Христос, кој воедно беше и последен дел од сложувалката, е висок колку зграда од 5 ката и тежи околу 100 тона.

Иако работата на базиликата ќе продолжат можеби и во наредните 10 години, сепак церемонијата за одбележување на архитектонското завршување на нејзиниот највисок и најсимболичен дел беше планирана токму за 2026 година.

Денес, на 10-ти јуни, папата Лео XIV, 11-тиот папа кој го презема престолот откако е започната изградбата, предводи свечена миса и церемонијално благословување.

На денешен ден се одбележуваат и 100 години од смртта на архитектот на ова ремек-дело, Антони Гауди, што му дава совршена симболика на настанот за да се прослави комплетирањето на конечната висина на катедралата.

На инаугурацијата се очекува да има илјадници гости, а за оние кои нема да присуствуваат, ТикТок направи партнерство со Саграда Фамилија за во живо да се пренесува моментот, каде публиката од цел свет ќе може да сведочи на историскиот настан, кој поврзува архитектура, наследство и дигитална иновација во реално време.

Следете во живо на ОВОЈ ЛИНК (мора да бидете најавени на ТикТок). 

Пренос во живо на YouTube:

 

М. М. | Црнобело