Викендов Грците ќе уживаат на 515 отворени плажи – под кои услови ќе работат?

Детали

четврток, 14 мај 2020

Викендов во Грција ќе бидат отворени 515 организирани плажи со чадори и лежалки, кои беа затворени поради пандемијата, па топлотниот бран Грците ќе го поминат во уживање, но со посебни мерки за почитување.

Секретаријатот за цивилна заштита на Грција објави дека на 16-ти мај ќе бидат отворени 515 плажи, водејќи се по метеоролошките прогнози и најавениот топлотен бран, како и епидемиолошките податоци и предлози од инфектолозите.

Од сабота во 8 часот ќе се отворат организираните плажи со посебни правила за социјална дистанца помеѓу лежалките и мерки кои ќе треба да се почитуваат.

Викендов во Грција се очекуваат температури до 40 степени, па одлуката за отворање на плажите им се погоди. 

Дивите плажи остануваат затворени за посетители, а патувањето на островите се очекува да биде дозволено од 18-ти мај, но само до оние најблиските до Атина.

Плажите ќе работат по следниве правила:

- Максимален број на посетители на 1.000 метри квадратни е 40 луѓе.

- Задолжително е бележење на бројот на луѓе на влез.

- Минималната дистанца помеѓу чадорите е 4 метри. Минималната дистанца од 1 метар помеѓу сенките на два чадори е задолжителна.

- Под 1 чадор може да има само 2 лежалки, со исклучок на семејства со мали деца.

- Минималната дистанца помеѓу 2 лежалки е 1.5 метри.

- Задолжително е да се постави крпа на лежалките, што е одговорност на посетителите.

- Кантините и кафе баровите нема да бидат отворени за посетители, забранети се маси и столици, ќе им биде дозволено да продаваат пакувани храна и пијалаци за носење.

- Забранета е продажба на алкохолни пијалаци на плажите.

- Дистанцата помеѓу купувачите во редот за чекање треба да биде минимум 1.5 метри.

- Персоналот на плажите е задолжен да ги дезинфицира лежалките по користење на посетителите, како и сите санитарии и објекти кои се под нивна надлежност на плажата.

- Тимските спортови со физички контакт се забранети.

 М. М. | Црнобело / фото: depositphotos.com