Туристка ја разгневи јавноста: Зафати 8 лежалки на базен во Шпанија, па отиде на појадок со семејството (видео)

Детали

среда, 23 јули 2025

Туристка се соочи со критики за видеото од нејзиниот одмор во Шпанија. Таа се пофали дека рано наутро зафаќаат по осум лежалки на хотелскиот базен, но потоа со семејството одат на појадок и во шопинг, па со часови не се враќаат на базенот.

Борбата за фаќање место на плажа или покрај базен е тема што е актуелна секое лето.

Додека повеќето сметаат дека е некултурно некој да зафати лежалка или голем дел од плажата и да не се појави неколку часа, други се убедени дека имаат право да прават што сакаат.

Ова е честа појава во Грција, па надлежните почнаа да ги собираат лежалките и чадорите на туристите со багер бидејќи според законот, плажите се јавен простор и никој не смее да си „резервира“ место на овој начин.

Во многу хотели со базен, пак, не е дозволен пристап до лежалките до одредено време наутро. Се случува и вработените во хотелот да ги соберат крпите и предметите од лежалките што сте оставени со часови без надзор.

Бидејќи е јасно дека ваквото однесување е неприфатливо, туристка од Велс се соочи со остри критики откако се пофали дека наутро си „резервирала“ дури осум лежалки на одморот во Шпанија.

29-годишната Стефани објави видео на ТикТок во кое ја споделува својата „генијална стратегија“.

Стефани отседнувала во хотел во Лас Палмас во Шпанија и вели дека бидејќи се големо семејство со шест деца, морале да преземат „драстични мерки“ за да имаат лежалки.

Во видеото се гледа како Стефани ги зафаќа лежалките покрај базенот со крпи, но потоа со семејството одат низ градот.

Тие јадат во ресторан, па дури и купуваат облека пред конечно да отидат на базенот каде што ги зафатиле лежалките.

„Најпрво, мора да си ги фатиме лежалките покрај базенот. Дојдовме како големо семејство, па треба рано да бидеме таму“, вели Стефани.

Според она што е прикажано во видеото, Стефани и семејството сигурно биле отсутни и неколку часа.

Во коментари, мајката се соочи со многу критики.

„Зошто ги зафаќаш лежалките ако не сте на базенот цел ден?“

„Се молам никогаш да не сретнам вакви туристи“.

„Требало да ви ги фрлат крпите во базенот“

„Сите хотели треба да го имаат истото правило – ако ве нема повеќе од 30 минути, да ви ги отстранат крпите и личните предмети од лежалките“.

Погледнете го видеото:

@mummyandmilliemaex

DITL 🧸✨ #ditl #vlog #holidaytiktok #breakfast #stroll #holidaymodeactivated #vacationstyle

♬ original sound - Stephanie | Mum of 6 👧🏼🩷

Спирова С. | Црнобело