Застрашувачка сцена: Огромна лавина се движи кон скијачи во ски-центар во Италија (видео)

Детали

среда, 18 февруари 2026

На драматична снимка се гледа како се формира снежна лавина во ски центар во Италија – на истото место каде што пред само 2-3 дена имаше друга лавина во која загинаа двајца скијачи.

Во неделата наутро (15.02) во скијачкиот центар кај гратчето Курмајор во северозападна Италија имаше снежна лавина во која загинаа две лица, а едно се здоби со сериозни повреди.

Едниот маж загинал веднаш, а другиот по пат до болница. Третиот бил веднаш пренесен во болница во Торино.

Надлежните реагирале веднаш и биле најмени 15 спасувачи и три кучиња за извлекување на настраданите.

Reuters сподели и видео на кое се гледаат спасувачките екипи и хеликоптерите.

Како што споделуваат експертите, областа каде што се наоѓа ски центарот е на релативно висок ризик од снежни лавини.

Проблемот е што лавините не можат да се предвидат и снегот може да почне да се спушта по планината сосема спонтано, некогаш и од движењето на скијачите.

Денес, пак, на социјалните мрежи почна да се споделува видео од друга снежна лавина, повторно на истиот скијачки центар.

Како што споделуваат странските медиуми, видеото е снимено вчера (17.02).

На видеото има група скијачи која го гледа формирањето на лавината, а потоа сите почнуваат да бегаат.

Скијачите кои стојат понапред целосно се губат од видик поради облакот од снег.

Се споделува и уште една снимка направена од друг агол на која се гледа само огромен облак од снег, додека лавината се спушта надолу.

На крајот од видеото, видливоста е драстично намалена поради снегот.

Според досегашните информации, во втората лавина нема жртви или повредени.

Спирова С. | Црнобело