Грижлив сопруг направил велосипед со посебно седиште за сопругата со Алцхајмер (фото)

Детали

вторник, 19 мај 2020

Сите имаме своја замисла за тоа како изгледа љубовта и како можеме да ја покажеме.

Одвреме-навреме, пак, налетуваме на вистинска приказна која ни покажува што точно значи љубовта. Ваква е приказната на Бил и Глед Форвард.

Бил и Глед се заедно повеќе од 50 години, и во половина век се соочиле со многу убави, но и тешки моменти. Еден од полошите настани се случил во 2004-та, кога здравјето на Глед почнало да се влошува, за на крај да ѝ дијагностицираат Алцхајмер.

Пред здравствените проблеми на жената, парот бил доста активен, а особено уживале во возењето велосипед. За жал, болеста ја направила Глед речиси неподвижна, па двајцата морале да се помират со новата судбина.

Но, Бил не се откажувал така лесно од својата сакана и покажал дека е подготвен да направи многу за неа. Сакајќи да ѝ помогне на Глед повторно да ужива во возењето, тој направил специјален велосипед, на кој има место и за неподвижна личност.

Изумот на Бил се состои од обичен велосипед, на чиј преден дел има прикачено еден вид инвалидска количка. Па додека тој вози, сопругата Глед може да седи во количката.

„Кога првпат почнавме да се гледаме, секоја недела го возев велосипедот до нејзиниот дом, oколу 5 километри, бидејќи само тогаш имавме можност да бидеме заедно“, вели грижливиот сопруг.

Нo велосипедот не е единственото нешто што Бил го направил за својата сопруга. Имено, поради болеста, на Глед ѝ е потребна помош за многу нешта, а Бил е секогаш овде за неа.

Тој, пак, вели дека му е чест да ѝ помага на сопругата, најмногу бидејќи тоа му е можност да ја покаже својата благодарност за нејзината грижа низ годините поминати заедно.

„Воопшто не ми е товар. Можноста да се грижам за жената што ја сакам сите овие години ја гледам како привилегија. Таа е мојата принцеза“, вели Бил.

Интересно е што велосипедот на Бил и Глед веќе се прославил, па дури постои и група на Facebook чија цел е да развие комерцијална верзија на неговиот модел, што ќе може да им се продава и на другите луѓе во слична положба.

Дури и да не заработи ништо од неговиот изум, Бил дефинитивно е сопруг каков што би посакала секоја жена.

Извор