„Имам 33 години и сè уште сум невина – Кои 10 особини мора да ги поседува некој маж за да ме освои?“

Детали

петок, 14 јуни 2024

„Во минатото се срамев да им кажам на луѓето и лажев, па велев дека не сум невина, но сфатив дека голем број мажи го ценат тоа“ - вели оваа 33-годишна девица од САД, која е во потрага по идеалниот сопруг. Кои особини мора да ги поседуваат потенцијалните кандидати со кои таа би започнала сериозна врска?

Данијел Нобл од САД ја изненади светската јавност со тврдењето дека и покрај тоа што има 33 години таа сè уште е невина, а тврди дека не сака нејзиното прво сексуално искуство да биде со кој било маж.

Приказната за оваа танчарка од Флорида, САД, ја пренесуваат поголем број од светските медиуми, а таа вели дека има список со барања што потенцијалните кандидати треба да ги поседуваат за да размисли со нив да започне врска.

„Постојат 10 работи што ги барам кај мажот. Тој мора да биде ориентиран кон семејството, искрен, љубезен, висок, во добра форма.

Да сака да патува, да сака да го поминува надвор, да биде храбар, претходно да не бил во брак, да има добра смисла за хумор, да биде стабилна личност и да ме почитува“ – вели таа.

Данијел вели дека во минатото никогаш не била заинтересирана за врски и секогаш била сконцентрирана повеќе на образованието.

Во средно образование никогаш не била поканета на состанок од момчињата, па така воопшто не ни размислувала за врски во тој период.

Кога станала повозрасна сфатила дека не сака безначајни авантури, туку само сериозни врски, кои ќе ѝ помогнат да го оствари нејзиниот план во следните 10 години да стапи во брак и да добие деца.

„Во минатото се срамев да им кажам на луѓето и лажев, па велев дека не сум невина, но откако почнав отворено да зборувам за тоа, сфатив дека нема ништо лошо во тоа што досега не сум била сексуално активна и дека голем број мажи го ценат тоа“ – вели Данијел.

Таа вели дека обично на мажите уште на првиот состанок им кажува дека е невина и ако забележи дека тој факт им пречи веднаш си заминува.

Во спротивно, чека да види како ќе поминат следните состаноци.

„Нe сакам да завршам со некој со којшто ќе се разведам подоцна, затоа што моите родители се разведоа пред 10 години и мислам дека тоа влијаеше да одлучам да останам сингл“ – вели Данијел.

Досега само со едно момче успеала да стигне до 3-иот состанок, но е уверена дека конечно ќе успее да го најде мажот што ќе ги исполнува сите 10 услови и ќе го освои нејзиното срце.

Б. С. Б. | Црнобело