Студија: Зошто во Јапонија нагло опаѓа продажбата на цигари?

Детали

понеделник, 01 јуни 2020

Трендот на пад на продажба на цигари во Јапонија, во период помеѓу 2011 и 2019 година, коренсподира со растот на продажбата на уредите кои го загреваат, а не го горат тутунот (Heated Tobacco Products - HTP), укажува стручната студија на американски истражувачи од Јужна Каролина и од Канада.

Резултатите од последното истражување кое е направено овој месец укажуваат на поврзаноста на драстичниот пад на продажбата на цигари во Јапонија од 2016 година наваму со растот на продажбата на уредите кои го загреваат, а не го согоруваат тутунот.

Авторите на оваа студија се Мајкл Камингс и Џорџ Нахас од Медицинскиот универзитет во Чарлстон, Јужна Каролина и професорот Дејвид Свинор од канадскиот универзитет во Отава, кои во истражувачката работа користеа податоци од Институтот за тутун во Јапонија и извештаите на тутунскиот гигант Филип Морис.

Како што наведуваат авторите, замената на цигарите со уредите кои го загреваат, а не го горат тутунот има голем потенцијал да ја поттикне стратегијата за намалување на штетата во однос на последиците од долгорочното пушење цигари. Јапонија е иницијално подрачје за продажба на уреди базирани на оваа иновативна технологија, а на тој пазар компанијата Филип Морис во 2014 година го претстави IQOS, а две години подоцна се појавија и уреди на други производители базирани на технологијата на загревање на тутунот.

Според досегашните анализи, Јапонија моментално е најразвиен пазар, според бројот на корисници, на технологијата на несогорлив тутун.

Резултатите од оваа студија покажуваат дека меѓу 2011 и минатата година, севкупната продажба на класични цигари се намалила за 38%. Конкретно, продажбата на цигари побавно, но стабилно опаѓала во текот на четири години од анализираниот период – од 2011 до 2015 година.

Во последните пет години, пак, цигарите драстично помалку се пушат додека бројот на корисници на уреди кои го загреваат, а не го горат тутунот расте, што истражувачите ги наведува на заклучок дека забрзаниот пад на продажба на цигари во Јапонија од 2016 година наваму одговара на воведуањето и растот на продажбата на HTP.

Студијата на американските и канадските истражувачи е објавена во швајцарското списание MDPI кое ја поддржува научната заедница. Резултатите од оваа студија во голема мерка се базираат на поранешните истражувања на иста тема спроведени од страна на Американското друштво за борба против ракот, објавени минатата година во медицинското списание за контрола на тутунот во Велика Британија (British Medical Journal on Tobacco Control).