Помалку игри, повеќе медитација: Кои мобилни апликации ве прават несреќни?

Можеби сте уверени дека играњето Candy Crush и бескрајното скролање на Facebook ве исполнуваат со среќа, но всушност, тие се наоѓаат на врвот од листата на апликации кои се најлоши за вашето ментално здравје и внатрешниот мир.

Порталот „Time Well Spent“ спроведе истражување помеѓу 200.000 корисници на iPhone, дознавајќи кои се мобилните апликации што се корисни, односно штетни за луѓето, кога е среќата во прашање.

За таа цел, го следеле времето што испитаниците го минуваат пред екранот на телефонот, испитувајќи притоа како истото се одразува на нивното расположение и емоции, пренесува Harper's Bazaar.

Очекувано или не, платформите за запознавање, социјалните мрежи и онлајн игрите се апликациите кои луѓето ги прават најмалку среќни.

На самиот врв од листата  на апликации поради кои луѓето се чувствуваат несреќно се најде Grindr, но застапени се и Tinder, Facebook, Instagram и Snapchat, каде корисниците постојано се изложени на (п)одбивање врз основа на физичкиот изглед.

Според добиените резултати, мобилните апликации кои најнегативно влијаат на среќата на корисниците се:

1. Grindr
2. Candy Crush Saga
3. Facebook
4. WeChat
5. Candy Crush
6. Reddit
7. Tweetbot
8. Weibo
9. Tinder
10. Subway Surf
11. Two Dots
12. Instagram
13. Snapchat
14. 1010!
15. Clash Royale

Од друга страна, апликацијата за медитација Calm, која на корисниците им овозможува подобро да се одморат, прогласена е за „најсреќна“ од страна на корисниците.

Меѓу мобилните апликации кои исто така предизвикуваат позитивни емоции се наоѓаат и тие поврзани со музика, фитнес и организација.

Според добиените резултати, мобилните апликации кои најпозитивно влијаат на среќата на корисниците се:

1. Calm
2. Google Calendar
3. Headspace
4. Insight Timer
5. The Weather
6. MyFitnessPal
7. Audible
8. Wave
9. Amazon Music
10. Podcasts
11. Kindle
12. Evernote
13. Spotify
14. Weather
15. Canvas

Откако знаете кои се апликациите кои ви го трошат времето, а намалуваат самодовербата, на вас е да одлучите дали ќе го прочистите мобилниот телефон од нив, или, пак, не.

М. А. | Црнобело