Како ни поминуваат деновите во домашна изолација со Samsung Galaxy S20 Ultra?

(30.03.2020 11:25) Во период на домашна изолација си добивме на тестирање Samsung Galaxy S20 Ultra, па се потрудивме најдобро што можеме да ви го доловиме искуството од домашна атмосфера.

Беспрекорна камера со исклучителен квалитет, неверојатно чиста слика во која може без престан да гледате додека уживате во снимките, непопречено скролање со речиси никакво заморување на очите - што ни остави најмногу впечаток?

Слободното време дома го искористивме за сликање делови од домот и околината, истражувавме интересни сегменти благодарение на супер зумот од камерата, снимавме кул видеа во кујна и колку што ни дозволуваа условите, се потрудивме да ви го доловиме искуството од користењето на SamsungGalaxy S20 Ultra во последните неколку денови.

Со 6.9 инчи екран, телефонот ја има идеалната големина – совршено се вклопува во раце, а истовремено е пријатно гледањето слики и снимки, како и работата на него. AMOLED екранот нуди беспрекорна светлина и вибрантни бои, а со можноста за 120Hz refresh rate, движењата се мазни и лесни за око при скролање на социјалните мрежи.

Она што одзема поголем дел од задниот дел на телефонот е револуционерната камера од 108MP на која ѝ се придружуваат телефото камерата со 48МР со 100х зум и 12MP широкоаголна, како и 40MP предна камера.

За многумина, камерата е она за што најмногу вреди да се инвестира во овој телефон, а покрај тоа што професионалците може максимално да ја искористат, и аматерите може да се снајдат добро со бројните опции и можности.

Фотографиите на дневна светлина се брилијантни и до најмал детаљ со јаснотија се прикажани објектите, а ноќниот режим со поголемите сензори за слика ќе ве натера да не престанете да си „играте“ и да ловите разни сцени со зголемена јаснотија како да е ден.

Со зумирање на фотографиите ќе откриете детали кои претходно не сте ги гледале

Посебно се истакнува зумот х100, со кој може да навлезете длабоко до детали на работите кои дури ниту со голо око не може да ги видите. Секако, не може да се очекува дека зумот х100 нуди перфектен квалитет на фотографија, но сепак води до некои нови искуства.

Исто така, овозможено е и снимање во 8К, а она што е уште подобро, е што може да направите одлични 33MP фотографии од истата снимка со беспрекорен квалитет, за разлика од претходно кога овие фотки од видеата излегувале поматни. Снимањето со режим за супер стабилност, со помош на вештачка интелигенција ќе ви овозможи да снимате во движење, а снимката да биде рамномерна.

Батеријата од 5000 mAh овозможува да уживате во сите овие можности и уште многу други, долго време, приспособувајќи се на вашите навики за користење, а за повторно целосно полнење на истата потребен ви е околу 1 час.

Масивната 12GB RAM меморија (поголема од онаа на вашиот компјутер), како и 512GB вградена меморија и можноста за мемориска картичка до 1.5TB е она што ги радува зависниците од многу апликации и игри, при што телефонот не покажува знаци на успорување, а фактот што не мора да се опседнувате со бришење слики е фасцинирачки.

Како ни поминуваа деновите дома во придружба на Samsung Galaxy S20 Ultra:

Го започнуваме денот со овошје и додаваме живост и боја во понекогаш тмурното секојдневие

Си правиме план на деновите во календар со настани, работни задачи и потсетници, додавајќи кул емотикони

Ги „оживуваме“ цвеќињата со живописните бои со различни режими на камерата кои овозможуваат неверојатно добра слика на која ќе може да ги набљудувате до детаљ објектите

Ја истражуваме другата страна на растенијата – онаа што не ја гледате со голо око, а супер зумот ви ја овозможува, и си правиме интересни гифови со опцијата на телефонот

Го снимаме процесот на подготовка на ручек со Hyperlapse и SlowMotion опциите и си го правиме забавно времето поминато во кујна

Си играме со милениците, ги набљудуваме низ објективот на S20 Ultra и го следиме нивното однесување

Во слободно време, тука се секогаш и останатите животинчиња кои може да ги набљудуваме преку објективот до најситни детали, кои со голо око не може да ги забележиме заради нивното движење

Го следиме од тераса движењето на луѓето, односно колку се почитуваат мерките за социјална дистанца – кај нас беше празно и преку ден и навечер, а вообичаено плочникот е полн со возрасни луѓе и деца

Во попладневните часови се опуштаме со добра книга и чај и користиме шанса да направиме фотка за да ги мотивираме и другите паметно да го поминуваат слободното време

А, во вечерните часови си дозволуваме некоја чашка вино на тераса додека уживаме во погледот и мирот на ноќта

Пред спиење, вклучуваме Blue Light Filter и читаме CRNOBELO.com за добра ноќ...

Фото/видео: CRNOBELO.com