Тијана Дапчевиќ со акробации како Пинк во полуфиналето на ТЛЗП, Каролина горда на неа (видео)


Тијана Дапчевиќ со акробации како Пинк во полуфиналето на ТЛЗП, Каролина горда на неа (видео)

За учеството во ТЛЗП Тијана Дапчевиќ откажала поголем дел од своите ангажмани за комплетно да се посвети, а тоа ни го докажува од емисија во емисија.

tijana-dapchevikj-so-akrobacii-kako-pink-vo-polufinaleto-na-tlzp-karolina-gorda-na-nea-video-01.jpg

Музичкото натпреварување „Твоето лице звучи познато“ дојде до полуфиналето, Тијана Дапчевиќ повторно одржа лекција по пеење и глума на сцената, а гостин во жирито во оваа специјална емисија беше Каролина Гочева.

tijana-dapchevikj-so-akrobacii-kako-pink-vo-polufinaleto-na-tlzp-karolina-gorda-na-nea-video-04.jpg

Тијана се најде во улогата на Пинк и имаше неверојатна изведба со акробации на сцената како настапот на Пинк со „Just like fire“ на „Billboard Music Awards 2016“. Нескротливата енергија, заедно со огнот и лебдењето над сцената, измами овации од публиката и одлични коментари од жирито.

„Јас сум голем фан на Алиша Мур попозната како Пинк, среќна сум што живеам во нејзината доба, многу трикови научив од неа, а и јас го имам тој песок во гласот, како и таа некоја нејзина чудна машка енергија“, изјави Тијана пред настапот.

По настапот Каролина ѝ се обрати на македонски јазик:

„Драга моја, спектакл е мал збор за ова што ти го направи, сите знаеме колку си талентирана и ова е шоу каде цел твој раскошен талент доаѓа до израз. Јас сум навистина горда на тебе.“

Се разбира, таа ѝ додели 12 поени на нашата Тијана, како што самата ја нарече во еден миг.

tijana-dapchevikj-so-akrobacii-kako-pink-vo-polufinaleto-na-tlzp-karolina-gorda-na-nea-video-03.jpg

Жирито едногласно ја прогласи Тијана за храбра мултиталентирана жена која владее со сцената и знае да приреди феноменален настап за паметење. „Секое појавување на Тијана е вистинска доминација на сцената“, заклучија тие.

На почетокот од полуфиналната емисија Тијана со 361 глас беше на второто место на листата со натпреварувачи, а тоа надополнето со гласовите од жирито во оваа емисија, како и 12-ката од СМС гласовите од гледачите направи да влезе со најголем број поени во финалето на ТЛЗП.

Кликнете тука за да го видите нејзиниот настап во улогата на Пинк.

С. С. | Црнобело