Квиз: Најчести правописни грешки во македонскиот јазик - ќе ги препознаете ли?!
Правопис претставува систем на правила и законитости за пишување, односно пренесување на зборовите на еден јазик по писмен пат.
Првиот Правопис на македонскиот литературен јазик е отпечатен во 1945 година.
Поради потребата од дополнување, како и коригирање и усогласување, тој повеќепати е изменет и прошируван, а бидејќи „јазикот е жива материја“ – тој сѐ уште подлежи на промени.
Употребата на англицизми, турцизми и србизми во македонскиот јазик придонесе сѐ поголемо користење на неологизми (новосоздадени зборови) и жаргонска лексика, не само во разговорниот, туку за жал и во јазикот за официјалната, деловна употреба.
Јазикот претставува идентитет и културно обележје на еден народ и неопходно е да се негува, односно правилно да се употребува – за да може да се зачува.
Во продолжение, за вас подготвивме квиз во вид на прашања, преку кои ќе ги проверите вашите правописни и правоговорни вештини.