Правописен квиз: Употребете ги правилно надредните знаци во речениците
Една од најчестите правописни, занемарени грешки во македонскиот правопис е (не)употребата на надредните знаци.
Надреден знак (`) е правописен знак кој се пишува само во три случаи:
1. Над самогласката е во кратката заменска форма од нас нè, за да се разликува од негацијата не.
Пример: Тие не нè почитуваат воопшто.
2. Над самогласката е во прилогот сè - за да се разликува од кратката заменска форма од повратната заменка себе се, која често ја употребуваме со повратните глаголи; како и од помошниот глагол сум во трето лице множина (тие се).
Пример: Сè се стресе околу мене.
3. Над самогласката и кај кратката заменска форма од нејзе ѝ за да се разликува од сврзникот и.
Пример: Ѝ кажав дека сакам да одиме во кино и на вечера.
Во продолжение за вас подготвивме квиз од низа реченици во кои треба да определите каде правилно треба да стои надредниот знак.