Тест: Одберете една шолја и откријте што ве исцрпува на работа

Обична канцелариска шолја

Вас ве исцрпува: монотонијата. Работата ви е репетитивна и не се случува ништо ново.

Се чувствувате како деновите да се претопени, работните ангажмани не ви будат никакви емоции и возбудата, ниту пак мотивација, па ви се јавува здодевност која ви е тешко да ја објасните.

Всушност, не ви е потребен одмор, туку промена. Почнете со мали чекори – нов пристап, нов начин на работа, нови работни задачи, па можеби и промена на работата.

Цветна шолја

Вас ве исцрпува: неадекватноста. Треба да глумите нешто што не сте, да не бидете свои, да се приспособувате и да ги криете вашите вистински реакции.

Се чувствувате изморено по секоја комуникација, како да сте во некоја игра и на крај имате само желба да бидете во мир и тишина.

Всушност, ја трошите целата енергија не на самата работа, туку на постојано приспособување. Може да пробате да реагирате поискрено од вообичаено, малку по малку, без грубост, но и без правење лице.

Испукана шолја

Вас ве исцрпува: насобраниот стрес. Долго го трпите, го носите во себе и не знаете да се ослободите од него, па постојано се акумулира.

Се чувствувате иритирано од секоја ситница, имате постојан замор кој тешко се намалува, но и желба да се исклучите од сè.

Всушност, не се трошите само од работата, туку и од воздржувањето и молчењето. Може да пробате малку по малку да ги изразувате емоциите и работите кои долго ве мачат, полека, без тензии.

Еднобојна шолја

Вас ве исцрпува: недостатокот на повратни информации. Се вложувате, но немате никако фидбек – ниту емоционален, ниту професионален.

Се чувствувате како да ви исчезнува мотивацијата, работата ви станува формалност и постојано се прашувате „зошто го работам ова“.

Всушност, не ви недостасува сила, туку смисла. Пробајте да пронајдете барем еден резултат во својата работа и да го запишете, за да го „видите“ и да ве охрабри и мотивира.

Чаша за носење

Вас ве исцрпува: постојаното брзање. Постојано сте во движење, зафатени со задачи и рокови и немате време да се стабилизирате.

Чувствувате замор наутро, постојано сте нервозни и иритирани, се чувствувате како работите околу вас да се случуваат пребрзо и сте во трка со времето.

Всушност, живеете според ритам кој не ви овозможува да здивнете. Може да правите свесни паузи во текот на денот – без телефон, без никакви обврски, само да уживате во моментот, најмалку 10 минути.

М. М. | Црнобело