„Доктори“ на пикник со обожавателките

Момците од „Доктори“ уживаа на пикник со своите обожаватели, се запознаа подобро, пееја песни и ги полнеа батериите за настапот во супер финалето на „Х-фактор Адриа“.

Еуфоријата е присутна и меѓу нивните обожавателки, кои им ја дадоа поддршката и им покажаа колку ги сакаат, а тие им возвратија со песна и им ветија добра забава во недела.

На Калемегдан во Белград, „Доктори“, заедно со нивната менторка Кристина Ковач и малиот Харис Ќато ги забавуваа фановите со пикник, гитари, фотографирање и автограми.

Шармантните момци им отпеаја и неколку песни на своите обожавателки кои беа пресреќни што се во друштво на своите миленици.

Уште само неколку дена остануваат до големото финале во недела, за кое сите финалисти се подготвуваат.