Нашиот Даниел Кајмакоски е првиот победник на „Х-фактор Адриа“

Како и што се очекуваше, после сите аудиции, емисии, настапи, најголемиот фаворит, без ниту еден дуел за елиминација, со најголем број гласови во сите емисии и илјадници фанови, нашиот Даниел Кајмакоски е првиот победник на „Х-фактор Адриа“.

Се покажа дека без сомнение е најдобар и дека ја има поддршката од целиот Балкан. Може да бидеме горди на него, да се радуваме, да славиме и да продолжиме да го поддржуваме во текот на целата негова кариера која следува.

Тој ќе потпише договор со Sony music и City Records, а со тоа речиси му е обезбедена светската кариера.

Нема поубаво чувство и поголема среќа и гордост од развиoреното македонско знаме од еден таков неверојатен талент и идна најголема ѕвезда!