6-те најмрзливи и најнепродуктивни хороскопски знаци

Биковите ги ценат убавите нешта во животот и сакаат да уживаат, но поради ова страда нивната продуктивност. Кои се другите хороскопски знаци кои мака мачат со мрзливост и непродуктивност (и зошто)?

Додека некои луѓе секогаш се продуктивни, без разлика дали станува збор за обврски на работа или низ домот, на други им е тешко да се натераат да мрднат со прст за што било.

Кои хороскопски знаци спаѓаат во втората категорија?

Бик

Биковите сакаат да уживаат и за нив релаксацијата е едно од најважните нешта.

Тие ги ценат убавите нешта во животот, но поради ова нивната продуктивност неретко страда.

Уживањето секогаш им е поважно од работата, па штом можат да одложат некоја обврска, без двоумење го прават тоа.

Иако е во ред да се релаксирате и да посветувате време на себе, доколку ова ви претставува проблем во секојдневието, време е да преземете нешто.

За вас најдобро ќе биде обврската да си ја претворите во уживање. Средете си го работното биро, додајте доза луксуз, купете си убави пенкала и тетратки…

Генерално, направете сè што ќе ве натера да уживате во работата.

Рак

Вам ви е многу поважно да се грижите за другите отколку да се посветите на вашите обврски.

Можете да го поминете целиот ден исполнувајќи ги желбите и потребите на саканите, додека домашните и работните обврски ви се трупаат.

Вие сте прекрасна личност, но поради ова вашата продуктивност страда.

Навистина е добро што сакате да им помагате на другите, но не заборавајте дека некогаш треба да обрнете внимание и на себе.

Не заборавајте дека нема да можете да им помагате на другите штом ќе ве надвладее товарот од запоставените обврски.

Вага

Вашата неодлучност е она што ви ја „убива“ продуктивноста.

Вие можете да поминете часови размислувајќи дали е подобро да направите едно или друго нешто, без воопшто да сработите што било.

Да, рамнотежата е важна, но уште поважно е да сработите нешто.

Вие сте перфекционист и личност која премногу размислува, а ова секогаш води до катастрофа.

Следниот пат кога ќе се соочите со недоумица, потсетете се дека не е важна совршеноста, туку поважен е прогресот.

Не заборавајте дека никој не е совршен – намалете си ги очекувањата и конечно сработете нешто.

Стрелец

Вие сте личност желна за авантури, па повеќе сакате да го планирате следното патување, отколку да миете садови или да работите нешто.

Секојдневните монотони обврски се неподносливи за вас и секогаш имате изговор да ги избегнете.

Веројатно досега имате сменето многу работни места само затоа што брзо ви здосадуваат.

Мора да прифатите дека некои работи во животот ќе бидат здодевни, но сепак мораме да ги направиме.

Водолија

Вие сте визионер кој многу повеќе сака да размислува за мистериите на универзумот отколку да работи нешто.

Имате безброј идеи, но кога ќе дојде ред да се фатите за работа за да ги реализирате, ви оди малку потешко.

Ако станува збор за луд изум, не ви недостасува мотивација, но ако треба да правите нешто посекојдневно, тешко дека ќе се натерате да станете од кревет.

За жал, мора да прифатите дека животот е полн со здодевни работи кои сите мораме да ги правиме секојдневно.

Што побрзо го сфатите ова, толку подобро за вас.

Риби

Вие минувате повеќе време во мечтаење отколку во што било продуктивно.

Во глава можете да „напишете“ цел роман пред да успеете да се убедите да го исчистите подот или да го завршите извештајот за работа.

Кога треба да планирате нешто, дефинитивно ви нема рамен, но кога треба да сработите нешто конкретно, вашата продуктивност исчезнува.

Не заборавајте дека за да си ги остварите целите за коишто мечтаете, ќе мора и да преземете нешто во врска со нив.

Мечтите нека ви бидат поттик да го добиете она што го сакате.

Спирова С. | Црнобело