Меркур е во ретроградна сенка: Што значи тоа и на што да внимавате?

Знаевте ли дека негативното влијание на Меркур се чувствува две недели пред планетата да почне да се движи наназад, а не сте безбедни ниту две недели откако ќе заврши фазата? Знаете ли што е ретроградна сенка?

Веќе сите знаеме дека во периодот кога Меркур е ретрограден, може да ни се случи тотален хаос, а според астролозите, негативното влијание на планетата може да се почувствува околу 2 недели пред таа да почне да се движи наназад.

Во 2024-та година Меркур ќе биде ретрограден уште двапати, од 1-ви до 24-ти април и од 4-ти до 27-ми август, а ако им се верува на астролозите, две недели пред овој датум треба веќе да почнете да се подготвувате за хаосот што ќе следи.

Две недели пред и две недели по ретроградната фаза има период кој се нарекува ретроградна сенка (retroshade) и веќе во тој период може да се почувствува негативната енергија на планетата.

Вообичаено овој период веќе почнува да ни ги навестува проблемите со коишто ќе се соочиме во периодот додека Меркур се движи наназад.

Затоа во двете недели пред ретроградната фаза можете да се подготвите за хаосот што ќе следи, за проблемите во комуникацијата и недоразбирањата, а во периодот по ретроградната фаза најчесто може да добиете сигнали за тоа како да ги решите проблемите со коишто сте се соочиле.

Што се случува пред Меркур да почне да се движи наназад?

Пред Меркур да почне да се движи наназад, најверојатно можете да ги почувствувате најголемите проблеми во комуникацијата.

Мејлот што итно требаше да стигне, никако не може да се прати, партнерот ви праќа непријатни пораки, се наоѓате во незгодни ситуации и недоразбирања.

Исто така, во овој период може да се соочите со емотивни проблеми и предизвици.

Пример ќе го најдете стариот дневник кој потоа ќе ве натера да размислувате негативно за сопствениот љубовен живот, или ќе имате некоја средба што ќе ви разбуди непријатни емоции.

Затоа во овој период мора да бидете свесни што се случува, затоа што тоа ви навестува со што најверојатно ќе се соочите.

Што се случува пред Меркур да почне да се движи нанапред?

Таман мислите дека ретроградниот Меркур поминал и сега сте безбедни, проблемите со комуникацијата и понатаму продолжуваат, па ви се чини дека нема крај на хаосот.

Според астролозите, во овој период сè уште се чувствува негативното влијание на Меркур, но за разлика од претходниот период, сега веројатно многу полесно ќе успеете да најдете трајни решенија и да се справите со предизвиците.

Зошто Меркур има ретроградна сенка?

Астролозите оваа ретроградна сенка ја објаснуваат така што според нив, Меркур, најбрзата планета во Сончевиот систем, пред да почне привидно да се движи наназад, ни се чини дека застанува во еден хороскопски знак, и притоа се движи спирално во него.

Додека Марс „стои во место“, пред да почне да се движи нанапред или наназад, имаме можност да добиеме знаци што е она што нè очекува.

Б. С. Б. | Црнобело