Октомвриски vs. ноемвриски Скорпии – Кои се најголемите разлики?

Скорпиите родени во октомври се покомуникативни, додека оние родени во ноември имаат поизразена интуиција.

Секој хороскопски знак се поврзува со одредени карактеристики – Лавовите имаат голема самодоверба, Биковите се тврдоглави, Вагите се неодлучни…

Но, некои луѓе, едноставно, не се пронаоѓаат во особините што му се припишуваат на нивниот хороскопски знак.

Според астролозите, причината за ова е периодот од знакот во којшто се родени.

На пример, Скорпиите родени во октомври можат да бидат поразлични од Скорпиите родени во ноември.

Па, кои се најголемите разлики меѓу октомвриските и ноемвриските скорпии?

Главни особини што им се припишуваат на Скорпиите

Скорпиите се воден знак, како Раковите и Рибите, а според астролозите ова ги прави емотивни и интуитивни, но и промислени, па и опасни кога некој ќе им згреши.

Делуваат како мистериозни личности чии постапки никој не може да ги предвиди.

Дел од особините што ги делат скоро сите Скорпии се лојалност, упорност и одлучност, но и некои негативни, како тврдоглавост и желба за контрола.

Некогаш можат да бидат премногу амбициозни, а знаат и да замерат.

Можат да простуваат, но никогаш не забораваат.

Особини на Скорпиите родени во октомври

Октомвриските Скорпии можат да бидат мошне интензивни личности бидејќи се под силно влијание на Плутон и Марс.

Зрачат мистериозна енергија – една од особините што најмногу се поврзуваат со Скорпиите.

Исто така, можат да бидат многу посесивни, но и со натпреварувачки дух кој ги тера и да ги погазат другите за да го добијат она што го сакаат.

Можат да бидат мошне љубоморни и даваат сè од себе за да го зачуваат или одбранат она што сметат дека е нивно.

Секако, тие имаат и добри карактеристики.

Дружељубиви се и комуникативни, а секогаш му даваат приоритет на односот со блиските луѓе, без разлика дали партнер, пријател или член на семејството.

Лојални се и би направиле сè за луѓето што ги сакаат.

Особини на Скорпиите родени во ноември

Бидејќи повеќе се под влијание на Нептун и Месечината, ноемвриските Скорпии имаат изразена интуиција и ѝ се посветени на духовноста.

Лесно ги читаат туѓите мисли и емоции, па секогаш знаат како се чувствуваат луѓето околу нив.

Пооптимистични се од октомвриските Скорпии и обично имаат поотворен ум.

Но, можат да бидат мошне затворени и приватни личности.

Никогаш не ја покажуваат својата ранливост и знаат да се изолираат од другите.

Тешко им е да се зближат со нови познаници и повеќе уживаат во самотија.

И тие ја имаат мистериозната аура на октомвриските Скорпии, но кај нив е малку поизразена.

Спирова С. | Црнобело