Каков љубовен викенд ве очекува?

Петокот и поголем дел од саботата ќе ги поминете „ловејќи” и ќе уживате во тоа. Тоа е заради влегувањето на Месечината во Овен, кој ги поттикнува сите хороскопски знаци да ги задоволат своите потреби и желби. Страста ќе ве обземе и нема да имате време за чекање! Знаете што сакате и тоа ќе го добиете!

Подоцна во петок навечер Месечината ќе се најде во конјункција со Уран, заради што насекаде ќе летаат искри. Доколку сте сами  можно е да почувствувате силна емоционална врска со нова личност, а доколку сте во врска ќе уживате во огнените бакнежи и секси игри.

Веќе во сабота сите емоции се претвораат во посесивност, а можеби и опсесија! Венера се наоѓа во квадрат со Плутон и ќе биде лесно да ја користите љубовта или сексот како оружје. Сетете се дека љубовта нема врска со контрола, туку со меѓусебно почитување и поврзаност. Ако се чувствувате несигурно во долгогодишната врска, сега е вистинско време да бидете искрени на таа тема.

До недела Месечината ќе влезе во знакот Бик и темата околу поседувањето во љубовта ќе продолжи. Постојат два начини: Ако се задржувате во врската заради лажни чувства, емоционално ќе се исцрпите. Но, ако се наоѓате во здрава врска создадена од љубов и почит, едноставно ќе сакате да го задржите тоа чувство.