Според хороскопот: Кои мажи најтешко ги преболуваат бившите?

Прекинот на љубовната врска не е никогаш лесен, како за жените, така и за припадниците на посилниот пол. Сепак, астролозите велат дека три знака од машката популација, посебно ги погодува раскинувањето.

Секој има сеќавање на случка, или, пак, важна личност што оставила траел белег на неговиот живот. Особено кога е љубовта во прашање.

Додека едни со крената глава и оптимизам гледаат кон иднината, а се концентрираат на сегашноста, други не можат така брзо да го заборават минатото.

Некои, пак, цел век не можат да ја исфрлат од глава саканата личност, како и болката што не се повеќе заедно. Што има да каже астрологијата на оваа тема?

На кои припадници од посилниот пол не им е ни малку лесно да се ослободат од спомените? Ова се мажите кои најтешко ги преболуваат бившите:

Раковите важат за непоправливи емотивци, па не изненадува што разделбите се вистинска ноќна мора за родените во овој хороскопски знак. Ним им е мошне тешко да се ослободат од сенката на бившата љубов. Тие се мажи кои многу вложуваат во врската, сонувајќи дека засекогаш ќе бидат со својата сакана. Особено важна им е сигурноста, поради што не им е лесно да го прекинат односот со избраничката на нивното срце. А, со романтичната и сензибилна душа, склони се и да ја идеализираат поранешната девојка. Едноставно не можат да побегнат од себеси.

Лавовите не го подаруваат така лесно своето срце. Меѓутоа, штом во некого се заљубат, родените во овој хороскопски знак ќе направат апсолутно сè за партнерката. Тие се мажи што веднаш посакуваат да го поминат цел живот со нивната избраничка. После прекинот на љубовта, пак, ужасно тешко им е да прифатат дека веќе ништо нема да биде како порано. Од страв дека можеби одново ќе бидат повредени, подоцна се многу повнимателни. Тешко стапуваат во нови сериозни врски, а честопати се присетуваат и сонуваат за старите добри времиња со бившата девојка.

Стрелците се мажи со слободен дух, така што врската со родените во овој хороскопски знак не е едноставна. Тие брзо и често се вљубуваат, ама тешко се одлучуваат да изградат некаков стабилен однос. Девојките им се сопатнички на кратки патеки, сè додека не наидат на првата голема љубов во животот. Само таа ќе успее да ги врзе за себе – и таа е девојката што никогаш нема да ја заборават. Во нивните спомени ќе остане совршена, дури и да ги имале истите проблеми, како и со партнерките пред и после неа.

М. А. | Црнобело