Според месецот на раѓање: Каква е вашата сексуална енергија?

Едни се прилично перверзни. Други никогаш не се себични љубовници. Трети, пак, жив оган се во креветот.

Месецот на раѓање открива мноштво еротски тајни, како за личните склоности, така и за оние на партнерот во постелата.

Каква е вашата сексуална енерија? Дознајте од описите во продолжение:

Јануари

Тие се прилично перверзни, иако ова никогаш не би ви паднало на ум кога првпат ќе ги видите. Потешко се опуштаат, но се мошне упорни кога ќе се заинтересираат за некого. Сексот со овие личности е гарантирано посебно искуство.

Февруари

Родените во вториот месец од годината, вообичаено се емоционално дистанцирани, но страствени индивидуи. Тешко е со нив да се поврзете, ама не и невозможно. Со авантуристичкиот дух, тие ќе бидат жив оган во спалната соба.

Март

Сите што роденденот го слават во март, можат со часови да се забавуваат во кревет. Тие се врзуваат за оние со кои спијат, па сексот со нив претставува врв на интимноста.

Април

Кога некоја личност ќе ги заинтригира, буквално ништо не може да ги запре. Имагинативни се во постелата, така што рутината брзо им здосадува. Тие даваат сè од себе кога водат љубов. Односот со нив е возбудлив, интензивен и жежок. Но, ако се заврши, тогаш навистина е готов.

Мај

Партнерите родени во мај се просто ненаситни во кревет. Меѓутоа, за да почувствуваат возбуда, потребно е малку повеќе труд. Тие сакаат префинет, сензуален  и пријатен секс. Со други зборови, сакаат да уживаат во самиот чин. Важен им е и амбиентот во спалната соба.  

Јуни

Повеќето јунски љубовџии уживаат во пробувањето нови пози и детално истражуваат сé за сексот. Ним интимата им е особено важна сфера во животот. Честопати се препуштаат и на жешки телефонски разговори, или, пак, пораки со експлицитна содржина.

Јули

Претставниците на јули не се особи кои можат да спијат со секого. Мора да осетат емотивна блискост со партнерите, како и чувство дека се сигурни во нивно присуство, пред да се предадат на страста. Во креветот не се никогаш себични, туку им причинува задоволство да ѝ угодат на другата страна. Затоа им ги исполнуваат сите желби на саканите.

Август

За разлика од претходниците, тие умеат да бидат или пресебични, или, пак, максимално посветени во сексот. Не сакаат кога им се диригира што треба да прават, или, пак, не во спалната соба. Од друга страна, обожаваат самите да се пофалат со своите вештини.

Септември

Родените во деветтиот месец од годината се исклучително страствени, ама и воздржани индивидуи. Потребно им е долго време за да се опуштат и уживаат. Кога станува збор за сексот, тие се спремни да пробаат сé, но само со вистинската личност покрај себе. И ним блискоста со партнерот им е од пресудно значење.

Октомври

Октомвриските љубовџии никаде не брзаат. Тие се романтични по природа, па сакаат полека да (ги) заведуваат. Чинот на додворување го сметаат за важен сегмент од сексуалната игра. Со нив сé оди бавно и во постелата. Понекогаш им е неопходен партнер, што ќе ги поттикне да внесат малце повеќе жар во спалната соба.

Ноември

Личностите чијшто роденден е во ноември, пак, изразено се посесивни. Им годи туѓото внимание и секогаш посакуваат да се чувствуваат посебно. Тие се склони кон експериментирање во сексот, иако честопати од единствена причина за да можат да речат дека испробале сé.

Декември

Во последниот месец од годината е датумот на раѓање на исклучително талентираните љубовници. Колку што се големи креативци во животот, толку се и во сексот.  Тие глумат разни улоги, си играат и лудо се забавуваат во кревет. Меѓутоа, не е ни малку лесна задача подлабоко да се поврзете со нив.

М. A. | Црнобело