Кој е 13-тиот хороскопски знак и какви се луѓето родени во него?

Корените на западната астрологија и утврдениот систем со 12 хороскопски знаци може да се следат до древна Месопотамија и Вавилон, а со откритието на 13-тото соѕвездие Змијоносец, тоа значи дека една група на луѓе припаѓаат на сосема нов хороскопски знак. Кои се тие?

Откритието на 13-иот хороскопски знак познат како Ophiuchus или Змијоносец во голема мера ги збуни љубителите на астрологијата.

Дали откритието на новото соѕвездие значи дека луѓето што се родени во периодот од 29-ти ноември до 17-ти декември припаѓаат на овој хороскопски знак? Кои се карактеристиките на овие луѓе?

Новото соѕвездие беше откриено од страна на НАСА и тоа се наоѓа помеѓу соѕвездијата Скорпија и Стрелец, што, логично, би значело дека голем број припадници на овие хороскопски знаци, всушност припаѓаат на 13-иот хороскопски знак - Змијоносец.

По дебатата помеѓу астролозите, НАСА излезе со логично објаснување, во кое потенцираше дека Вавилонците кога ја креирале астрологијата намерно го изоставиле 13-тото соѕвездие и го креирале Зодијакот со 12 знаци за да соодветствува со 12-те месеци во годината.

👀 We see your comments about a zodiac story that re-emerges every few years. No, we did not change the zodiac.

When the Babylonians invented the constellations 3,000 years ago, they chose to leave out a 13th sign. So, we did the math: https://t.co/DQOs5VSjT7 pic.twitter.com/WlblguobGT

— NASA (@NASA) July 17, 2020

Сепак, астролозите дошле до сопствени заклучоци за тоа какви особини имаат луѓето што се родени во хороскопскиот знак Змијоносец, па така ако сте родени во периодот од 29-ти ноември до 17-ти декември тогаш можеби би требало да ги покажувате овие карактеристики.

Со оглед на тоа што станува збор за релативно ново соѕвездие, астролозите се поделени во однос на карактеристиките на припадниците на овој хороскопски знак, а истите најчесто се изведуваат од митската заднина на името на соѕвездието.

Името на соѕвездието Ophiucus буквално се преведува Змијоносец, а се поврзува со митскиот Асклепиј кај дрвените Грци и симболизира човек што носи змии.

Змијоносците немаат свој спротивен хороскопски знак, од каде би можеле да се изведат нивните карактеристики, туку со оглед на тоа што се наоѓаат помеѓу Скорпиите и Стрелците се верува дека нивните карактеристики се изведени од оние на нивните „соседи“.

Станува збор за мистериозни и моќни луѓе што имаат особен шарм, слично на Скорпиите, а сличноста со Стрелците оди во насока што се верува дека се благословени со добра среќа и изострена смисла за хумор.

Тие се мошне страствени, но слично како Скорпиите се помалку љубоморни и таинствени, а подеднакво темпераментни и нескротливи како Стрелците.

Се претпоставува дека Змијоносците често се интровертни луѓе што сакаат да бидат сами и се мошне креативни.

Сепак, како што може да се види, карактеристиките на овој хороскопски знак може подеднакво да одговараат и на Скорпиите и на Стрелците, па така сè додека Змијоносецот не биде во целост прифатен од Астрологијата нема потреба во целост да го отфрлате тоа што го знаете за себеси.

Сепак добро е да знаете зошто можеби не се однесувате како „чисти“ Скорпии или Стрелци. 

Б. С. Б. | Црнобело