Зошто денешниот ден, 5-ти март, ќе биде најсреќниот ден во годината за сите хороскопски знаци?

Годинава, Сонцето и Јупитер ќе се сретнат во знакот Риби, а денешниот ден, 5-ти март, ќе биде најсреќниот ден во годината за сите хороскопски знаци, само треба да останете позитивни и активни. Зошто овој ден се смета за најсреќен во годината и што значи тоа за хороскопските знаци?

Според астролозите секоја година има по еден ден што е „најсреќниот ден во годината“ или „ден на чудата“, што еднакво се одразува на секој од хороскопските знаци. Годинава тоа ќе се случи денес, на 5-ти март.

На овој ден ќе се случи конјукција помеѓу Јупитер и Сонцето, што поволно ќе се одрази врз сите хороскопски знаци.

За оние неупатените, во астрологијата мошне се важни аспектите (аглите) што планетите и небесните тела ги прават меѓу себе, па така конјукцијата е еден од најповолните аспекти, а се случува кога две планети ќе се сретнат, односно ќе се најдат една до друга во права линија и во наталната карта, имаме преклопување.

Со други зборови, Сонцето и планетата на среќата Јупитер на 5-ти март ќе бидат во иста позиција, со што нивните позитивни енергии ќе се здружат и ќе донесат подеднакво среќа за сите хороскопски знаци.

Сонцето е владетел на нашата самодоверба и ни дава мотивација, а Јупитер е планетата на среќата, па така на овој ден може да се очекува дека хороскопските знаци ќе бидат мотивирани за остварување на сопствените цели, а Јупитер е тука за да им даде малку среќа и „ветер во грб“ за да помогне да се остварат „чудата“.

Јупитер секоја година се наоѓа во различен знак од Зодијакот, а годинава со Сонцето ќе се сретнат во знакот на Риби – знакот познат по големата емпатија, имагинација и креативност, кој се стреми за надминување на сите препреки и ограничувања.

Кога овие две планети ќе се сретнат тие кај хороскопските знаци будат желба да поправат сѐ што не им се допаѓа и даваат сила тоа да го завршиме.

Без разлика дали станува збор за работата, љубовниот живот или некоја важна одлука што сте ја одолговлекувале, денешниот ден е денот кога ќе можете да ги реализирате сопствените соништа.

Б. С. Б. | Црнобело