На кои хороскопски знаци јуни ќе им донесе најмногу пари (и целосен пресврт во животот)?

Кој ќе добие можност за унапредување и за ново вработување што целосно ќе му го промени животот, а кој не треба да избрзува и да се залажува со забрзаниот прилив на пари?

Во првата недела од јуни Меркур ќе излезе од својата ретроградна фаза, а поволната положба на планетите на четири хороскопски знаци ќе им донесе најголеми финансиски добивки. На некои долгорочно ќе им се промени животот, а на други им се препорачува да не избрзуваат.

Кои знаци може да очекуваат конечно да им се насмевне среќата кога станува збор за финансиите?

Бик

Во мај имавте повеќе финансиски проблеми, но во јуни тие ќе се решат и конечно ќе можете да тргнете напред. Очекувајте напредок во кариерата или доколку се занимавате со сопствен бизнис можно е да направите одредено проширување што ќе ви донесе поголеми финансиски добивки.

Доколку чувствувате дека треба да работите понапорно од вообичаеното, не очајувајте - харизмата, истрајноста и напорната работа ќе ви се исплатат.

Близнаци

Вашиот владетел, Меркур се ослободува од ретроградното движење, а од 13-ти јуни ќе влезе во вашиот знак. Со оглед на тоа што и Сонцето во следниот период е во вашиот знак, тоа значи дека ова е одличен период да забележите успеси на секој план.

Постојат големи шанси во втората половина од јуни да ви се случи целосен пресврт во животот. Можно е да добиете унапредување или пак понуда за подобро платено работно место што ќе ви донесе и поголема сигурност. Сепак, оние што се во врска, ќе мора да го вклучат и партнерот во конечното носење одлуки.

Девица

Заедничко за Близнаците и Девиците е тоа што имаат ист владетел – Меркур и случувањата во нивниот живот во голема мера зависат од него, а излегувањето од ретроградната фаза ќе влијае и врз двата знака.

Благодарение на добрата поставеност на оваа планета во втората половина на јуни, може да очекувате да ги остварите сопствените цели, да добиете понуда за ново вработување, да бидете помотивирани за стекнување нови знаења и вештини.

Ова е период во кој може да добиете признание од претпоставените и покачување, а оние што се занимаваат со сопствен бизнис може да очекуваат остварување нови контакти што ќе им донесат поголеми добивки.

Сепак, ова не е идеален период за нови инвестиции и ризични зделки, за тоа ќе треба да почекате некој поповолен период.

Риби

Во јуни ќе го покажете целиот свој потенцијал кога станува збор за заработката и реализирањето на амбициите на поле кариера. Вашата креативност и мотивација ќе ви отворат голем број врати.

Периодов можно е да остварите поголема заработка, да добиете признание од претпоставените, а оние што се занимаваат со сопствен бизнис можно е да остварат повеќе нови бизнис контакти, благодарение на одличните вештини за комуникација.

Сепак кога донесувате одлуки бидете внимателни и размислувајте долгорочно, не се залажувајте само со можностите за брза заработка што не ви носат сигурност на подолг период.

Б. С. Б. | Црнобело