4 хороскопски знаци кои се најлоши цимери - кои се неуредни, кои се себични?

Јарците ќе ви судат за сè – од вашата облека и начинот на исхрана, до вашите хобија и интереси. Па, немојте да мислите дека кога ќе си дојдете дома ќе можете да се опуштите ако живеете со Јарец.

Животот со цимер може да биде навистина забавен, но може да биде и стресен, ако живеете со личност која има потполно различни навики и верувања од вас.

Некогаш, дури и вашиот најдобар пријател може да биде ужасен цимер доколку не се согласувате за многу нешта околу домот и домашните обврски.

Кои хороскопски знаци се најлоши цимери?

Близнаци

Близнаците можат да бидат лукави, без разлика дали се со пријател, партнер или цимер.

Едноставно кажано, цимерот со овој хороскопски знак има голема веројатноста да си „позајми“ облека од вас без воопшто да ве праша. Ако, пак, му спомнете за ова, бесрамно ќе ве излаже.

На Близнаците не им е проблем да си ги користат сите предмети на нивниот цимер и не им е грижа дали тој ќе се налути за тоа.

Истовремено, Близнаците се дружељубиви луѓе, па постојано ќе викаат гости без да се консултираат со цимерот.

Што значи, ако ја цените вашата приватност и сакате мир и тишина, не би можеле да живеете со Близнаци.

Скорпија

Ако не сакате драма, најдобро не живејте со Скорпија.

Скорпиите се страсни луѓе, но поради ова често имаат и променливо расположение.

Неретко можат да избувнат и за најбанална причина, а ако не им се допаѓа нешто, подготвени се жестоко да се расправаат со цимерот.

Скорпиите можат и да бидат многу гласни во кревет, па веројатно ќе имате многу непроспиени ноќи поради нив.

Ако, пак, направите заендички план, но на Скорпијата ѝ се укаже шанса да си оди дома со некој што ѝ се допаѓа, бидете сигурни дека ќе ве „извиси“.

Стрелец

Стрелците се одлични пријатели, но ужасни цимери, од една причина – многу се неуредни.

Овие луѓе се забавни и секогаш ќе ви мислат добро, но ако ви е важно домот да е среден, немојте да живеете со нив.

Стрелците водат активен живот, а ова значи дека средувањето на домот не им е никаков приоритет.

Уште полошо, ако им речете да си ги измијат садовите и да си ја соберат облеката од подот, нивниот оптимизам ќе направи да се чувствувате лошо.

Генерално, ако и вам не ви е важно домот да е среден, ќе ви биде прекрасно со Стрелец. Во спротивно, само ќе се нервирате.

Јарец

Кога си одиме дома, сите сакаме да се опуштиме и да правиме нешто што ни причинува задоволство без грижа дека ќе бидеме осудувани.

Но, ако живеете со Јарец, дефинитивно ќе бидете осудувани кога ќе си дојдете дома.

Јарците мислат дека знаат сè и сакаат да им помогнат на другите да станат најдобрата верзија од себе. Тие се убедени дека знаат што е најдобро за вас и без двоумење ќе ви го кажуваат тоа.

Па, ако гледате серија, ќе ве прекоруваат зошто не работите на некоја цел. Ако, пак, работите на некоја цел, ќе ви речат дека имате погрешни приоритети.

Јарецот ќе ви пререкува за буквално сè – од вашата облека и начинот на исхрана, до вашите хобија и интереси.

Ако мислите дека ова ќе ви претставува проблем, немојте да живеете со Јарец.

Спирова С. | Црнобело