„Украсив елка стара 40 години“ - Македонка ја врати магијата од минатото, со шарена елка и различни лампиони

„Ја украсив мојата елка, која е стара 40 години, со лампионите и лентите зачувани од 1985 година“, вели Веса Брческа, а други Македонци прокоментираа: „Оваа елка носи спомени во себе кои друга елка не може да ги донесе“ и објавија фотки од децениски старите елки кои ги китат во своите домови. Магично, зарем не?

На прагот од 2026-та Веса Брческа во Фејсбук групата „Дворчето“ објави фотографија дека дома си ја накитила елката, стара 40 години.

Елката е токму како оние ги паметиме од детството - со ретки гранки, светкави ленти, шарени, различни лампиони и е буквално совршено несовршена.

Носи магија, носи спомени, носи мирис на едно минато и поубаво време.

Денес, елките се раскошни и накитени со еднолични лампиони, можеби се совршени според трендовите, но никогаш нема да успеат во нас, барем постарите генерации, да разбудат спомени како елките од нашето детство. 

Веса Брческа во Фејсбук групата „Дворчето“ напиша:

„Ја украсив мојата елка, која е стара 40 години, со лампионите и лентите, зачувани од 1985 година“.

И Веса со својот потег разбуди емоции кај многумина, а на нејзината фотографија се нижеа коментари како:

„Најубавите елки, кои будат спомени од едно среќно детство“.

„Оваа елка носи спомени во себе кои друга елка не може да ги донесе!“

„Сите имавме вакви елки – најубави беа, а ние среќни околу нив“.

„Можеби беа мали и обични, ама ние бевме пресреќни. Честитки, памукчиња, балончиња, бонбончиња и по некое лампионче. Сијаличките беа луксуз...“

Потоа и низа други Македонци во коментари на нејзината фотографија споделија фотографии од елките кои ги накитиле во своите домови, а кои се стари со децении.

Како изгледаат нивните елки на следната страница...