Како да направите еко клима само од пластични шишиња? (видео)

Како што времето станува сè потопло, така и луѓето се обидуваат да најдат начини како да се разладат, дури и кога живата во термометарот ќе се искачи над 35°C.

Ако некој има најголемо искуство и вештини во тој поглед, тоа секако се жителите на тропските предели каде температурите знаат да достигнат навистина алармантни броеви.

Токму оттаму произлегла и нивната креативност, па најновиот изум со кој може да се пофалат е клима уред изработен само од пластични шишиња, кој ќе ве разлади без да плаќате висока сметка за струја, која покрај другото во голем дел од нивните населени места воопшто и ја нема.

Начинот на изработка на овој изум е многу едноставен.

Најнапред треба да направите отвори на еднакво растојание на поголем картон. Отворите треба да бидат доволно големи за во нив да го собере вратот на шишето.

Следен чекор е да го пресечете шишето на пола. Со помош на ножици отсечете го горниот дел од капачето.

Сега само вметнете ги шишињата во отворите на картонот и вашиот еко клима уред е готов.

Прикачете го изработениот клима уред на прозорец така што вратот на шишињата ќе биде свртен кон домот.

М. С. | Црнобело