Омилен ретро дизајн од ’90-тите – „Портокал“ киоск (фото)

Речиси и да не постоеше град во Македонија каде што во текот на ’90-тите години не можеше да се лоцира барем еден киоск „Портокал“.

Домашно производство на Унипласт од Струга, изработен од смола и стаклено влакно, киоскот се состоеше од 2 полутопки кои се затвораа и формираа топка (портокал) кој се заклучуваше со катанец.

Најчесто се продаваа мастики, весници, грицки и сокчиња, а дечињата особено се радуваа на џиновскиот портокал.

Македонија, секако, не е единствената земја каде што бил популарен „портокалот“ на улиците и плоштадите. Киоск „портокалот“ се сретнувал во скоро сите балкански земји, па дури и во Русија и Јапонија.

Некои неговата намена ја поврзале стриктно со надворешната форма – место каде што ќе се продава цеден сок од портокали. Логично, нели?

Потсетете се на најинтересниот ретро дезен од златните ’90-ти:

(О)Милена | Црнобело