Како од научно-фантастичен филм – бруталистичките градби во Македонија ги фасцинираат новите Инстаграм генерации (фото)

Архитектонскиот стил брутализам се појавува во средината на 20 век (од 1950 до средината на 1970) како дел од модернизмот. Зборот „брутализам“ потекнува од францускиот збор кој го опишува материјалот кој е карактеристичен за овој стил, béton brut, или натур бетон. Брутализмот се отсликува со масивен, монолитски дизајн со огромни бетонски блокови.

Лидерот на поранешна Југославија, Јосип Броз Тито, во обидот да ја покаже моќта на државата, ја преплавил со овој архитектонски стил.

Доволно е малку да погледнеме низ Македонија и да забележиме дека остатоците од брутализмот се сè уште во нашето опкружување. Овие градби денес ги фасцинираат помладите генерации, а се особено популарни на Инстаграм.

Во периодот од 60-тите па сè до 80-тите години од минатиот век во Македонија се појавуваат првите објекти со препознатливите карактеристики на брутализмот, особено во периодот после земјотресот.

Ова се само дел од најпознатите градби од ерата на брутализмот во Македонија:

Републички хидрометеоролошки завод, 1977, архитект Крсто Тодоровски

Универзитет Свети Кирил и Методиј – Скопје, 1974, архитект Марко Мушиќ

Студентски дом Гоце Делчев – Скопје, 1975, архитект Георги Константиновски

Македонска радио-телевизија, 1971-1983, архитект Кирил Ацевски

Народна банка на РМ, 1975, архитекти Радомир Лаловиќ и Олга Папеш

Главна пошта – Скопје, 1982, архитект Јанко Константинов

Железничка станица – Скопје, (дел од комплексот Транспортен центар), архитект Кензо Танге

Гимназија Никола Карев – Скопје, 1968, архитект Јанко Константинов

МАНУ, 1976, архитект Борис Чипан

Споменик Македониум (Илинден) – Крушево, 1974, архитекти Јордан Грабулоски и Искра Грабулоска

(О)Милена | Црнобело / Извор