50 Работи кои треба да ги направите барем еднаш во животот

Животот е краток и по некое непишано правило треба да се направат толку многу работи, за малку време.

За да се чувствувате исполнето и како што се вели да бидете мудри во староста, барем еднаш во животот направете ги овие 50 работи:

1. Направете голема забава и поканете ги сите кои ги познавате.

2. Дајте и на вашата мајка букет со омиленото цвеќе и кажете и колку ја сакате.

3. Напијте се пиво на Октоберфест во Минхен.

4. Бидете некому ментор.

5. Побарајте го веќе еднаш тоа покачување на платата кое го заслуживте.

6. Исклучете го мобилниот и гледајте го заоѓањето на сонцето.

7. Направете будала од себе.

8. Простете им на луѓето.

9. Донирајте пари или купете им храна на бездомниците.

8. Одржете говор на некој настан, па макар и тоа да е свадба, слава, крштевка...

9. Танцувајте на подиумот во некој клуб како да сте сосема сами.

10. Посетете некое непознато, мало село во Македонија.

11. Научете нов јазик, нова култура и стекнете нови познанства надвор од земјата.

12. Научете да кажувате „Не”.

13. Земете го мобилниот и побарајте ги пријателите со кои одамна не сте се чуле.

14. Испејте некоја песна пред публика, колку лошо и да звучите.

15. Поседувајте барем едно скапо и луксузно парче облека.

16. Пронајдете ја работата која ја сакате.

17. Отидете на викенд сосема сами и дознајте повеќе за себе.

18. Водете дневник, или напишете книга за својот живот.

19. Отидете на гости кај роднини кои воопшто не ги познавате.

20. Отидете сами на ручек во ресторан.

21. Вдомете си домашен миленик.

22. Однесете некои од најновите фотографии кои ги имате на печатење во фото студио.

23. Посетете нудистичка плажа или бањајте се голи во море.

24. Аплицирајте на работни места за кои не сте квалификувани и отидете на интервју за работа која не сакате да ја работите.

25. Отидете на концерт заради кој потоа ќе ви биде срам да се појавите пред пријателите.

26. Посетете винарија и пробајте некое навистина добро и скапо вино.

27. Ризикувајте на работа дури и тогаш кога никој не ве поддржува.

28. Поминете цел еден ден на гости кај вашата баба и научете да правите пита (важи и за момците).

29. Заземете се за тоа што сметате дека е правилно, без разлика на ризикот.

30. Научете некој странец да зборува македонски јазик.

31. Научете да свирите барем една песна на гитара.

32. Отидете на кампување и спијте под ѕвездите.

33. Барем 1 недела заборавете на социјалните мрежи.

34. Оставете порака со убави и охрабрувачки зборови на јавно место.

35. Научете како да го цените неуспехот.

36. Бидете благодарни за тоа што го имате.

37. Одведете го семејството на вечера која вие ќе ја платите.

38. Научете да медитирате.

39. Отидете на кафе со личност која воопшто не ви одговара.

40. Имајте верба дури и кога сѐ изгледа безнадежно.

41. Докажете им на оние кои ви значат колку ги сакате. 

42. Спријателете се со непознат човек и одржувајте го контактот. 

43. Отидете на кафе кај сосетката. 

44. Побарајте тест возење за автомобил кој не можете да си го дозволите. 

45. Насмевнете се на тотален странец, барем еднаш во денот. 

46. Упатете комплимент на некого кој не го познавате. 

47. Танцувајте на дожд.

48. Играјте со снегот и санкајте се, годините не се изговор. 

49. Соочете се со личноста која смета дека е супериорна над вас.

50. Сонувајте! Секогаш и секаде, дури и ако соништата ви се чинат смешни. 

До каде е вашата листа?