Моите ташни, моја интима, моја иднина!
Моите ташни кои се наредени во мојот плакар, тие се мојот живот, мојата приказна.
Во секоја од нив се крие посебна тајна скриена од љубопитните погледи на околината.
Моите ташни, моја интима, моја иднина!
Во нив е спакувано моето секојдневие кое го потиснува минатото на дното.
Мало црно коцкасто огледало, кармин во кој се кријат изгубени бакнежи, сјај кој остава трага на секоја чаша која се прилепува со усните.
Пакување влажни марамчиња кои бришат сè освен сеќавањата, забележливата запалка во форма на женски кармин која само ги надополнува женствените мисли за мојата самодоверба.
Таа кутија цигари што ја надополнуваат секоја прилика, го оправдуваат молкот, го замаглуваат воздухот спасувајќи го секој поглед кој сакам да го одбегнам изгубен во чадот.
Да, тоа се моите ташни, мојот живот, мојата душа, што поголеми, тоа подобро!
Но, ниедна ташна не е никогаш доволно голема за да собере сè што една девојка има да стави во неа, нели девојки?
Би можело да ве интересира:
Препорачуваме
Најчитани неделава
