„Елката што ја украсуваме секоја година е многу стара, но за мене е посебна“

„Оваа елка е стара и има видено многу работи и многу ја сакам. Не би ја заменила за ниту една друга елка“

Оваа елка е стара. Толку е стара што веќе не можеме да ја расклопиме.

Ги вадиме украсите и лампионите, ја виткаме со најлонска фолија и ја тргаме настрана во еден дел.

Но, оваа елка е посебна.

Ова е мојата прва вештачка елка.

Ја купив бидејќи живеев во мала куќа со мал убав камин.

Требаше да избирам – или (голема) природна елка, или камин. Дневната соба не беше доволно голема за двете.

Малата масичка под елката ја направи татко ми кој почина пред 36 години.

Килимчето во црвена, зелена и бела боја го сплете мајка ми, кога првпат си заминав од дома пред 40 години.

Таа почина пред 10 години.

Сите лампиони се посебни. Многу се направени рачно, многу ми се подарени, а сите се посебни.

На мојот син со попреченост му ја раскажував приказната за секој лампион додека ја украсувавме елката, а тој само превртуваше со очите бидејќи го прекинував во гледањето цртани.

Но, уживаше – честопати забележувавме како гледа во елката кога мислеше дека никој не гледа во него.

Тој почина пред осум години.

Мојот живот е многу поразличен отколку кога првпат ја украсив оваа елка.

Многу често некој ќе сподели фотографија од неговата елка и ќе се извини бидејќи можеби не била убава како елките на другите.

Оваа елка е стара и има видено многу работи и многу ја сакам. Не би ја заменила за ниту една друга елка.

Сакајте ги вашите празнични декорации и гордо споделувајте ги фотографиите.

И, ако сакате да оставите коментар за нечија елка, или бидете добри, или само одминете ја објавата.

Сите го даваме најдоброто од себе.

Извор