Имам 39 години и им се обраќам на сите жени: Зошто сум сигурна дека сум убава, баш како и ти?

Една мајка, колумнистка и силна жена на 39 години ја открива суштината на убавината по која сите жени тежнеат. Нејзината приказна е следнава:

„Ќе ти откријам една голема тајна: Денес си толку убава!

Ми беа потребни 39 години за да го сфатам тоа, и сега конечно кога сум свесна, морав да го споделам ова со вас.

Еве како дојдов до овој заклучок:

Додека се подготвувам да зачекорам во 40-та година од животот, би сакала да полнам 30. Со полни 30 имав 10 килограми помалку од сега. Немав брчки на лицето, подбрадок, ниту на Google пребарував зборови како ботокс. Купував облека во одделот за тинејџерки.

Кога имав 30 бев прекрасна, а не го знаев тоа.

Бев фокусирана на оние негативни работи - 5-те килограми кои ми пречеа, градите кои по доењето се опуштаа и стомачето кое остана по бременоста.

Сакав повторно да имам 20 години.

Кога имав 20 години без 10 килограми послаба, со стегнати стомачни и бутови, градите ми беа полни и цврсти и не ни помислував дека на задникот ќе имам дупчиња. Задоволно носев бикини.

Кога имав 20 бев прекрасна, а не го знаев тоа.

Бев фокусирана само на оние негативни работи - се споредував со девојките кои беа послаби и поубави од мене, со оние кои имаа поубава кожа и природна права коса. Сакав да бидам како нив.

Сега кога сум на прагот на 40-та, ги гледам фотографиите од 30-те години и гледам една прекрасна жена. Кога ги гледам фотографиите од 20-те, гледам една прекрасна девојка.

Сега знам дека кога ќе имам и 50 години, ќе ги гледам сликите од 40-те години со воодушевување. И тогаш ќе видам една прекрасна жена.

Што значи тоа?

Значи дека денес сум убава. Баш како и ти!“