Приказна за 20 секунди: Што е правилно, а што погрешно?

Банкај Јотаки бил најпознатиот јапонски зен учител, кој држел медитации што траеле дури и по неколку седмици, а на истите се собирале многу ученици.

Во текот на собирите, еден од учениците бил фатен како краде. Тогаш останатите ја пријавиле случката кај учителот и побарале тој ученик да се исфрли од групата, но Банкај решил да ja игнорира нивната пријава и барање.

После некое време, истиот ученик повторно ја направил истата работа, а учителот и понатаму го игнорирал неговото однесување. Игнорирањето од страна на учителот ги револтирало останатите ученици, па затоа решиле да состават петиција во која барале крадецот да се оддалечи од групата, бидејќи во спротивно тие ќе ги напуштат медитациите.

Откако Банкај ги прочитал барањата, тој ги собрал учениците околу себе и им рекол: „Вие, браќа сте мудри. Знаете што е правилно, а што е погрешно. Вие можете да отидете и да учите на друго место, но овој сирот ученик дури и не прави разлика меѓу доброто и лошото. Кој ќе го научи како да прави разлика, ако не јас? Затоа ќе го задржам овде, дури и ако сите си заминете.”

Му потекле солзи од очите на крадецот, а сите желби за крадење од него исчезнале истиот тој миг.