Наивноста во денешно време најскапо се плаќа

Веќе незнам колку работи ги проголтав и прифатив, нешта кои не ги сакам! Сè во служба на комромисот и доброто однесување. И се прашувам, дали тоа некој го забележа или го искористи?

Нема веќе да сум наивна, да тоа е точниот збор. Наивноста во денешно време најскапо се плаќа, да им ја оставиме на децата кај нив е природна, но што ако си ја носиш со години?

Ќе молчиш, ќе прифаќаш, ќе попушташ, ќе замолиш, ќе се извиниш, ќе ислушаш и на сметка на тоа нема да бидеш ислушан и ќе бидеш страшно манипулиран. Да, за жал лесно се манипулираат наивните, затоа што тие лесно прифаќаат, тие не сакаат да се расправаат, тие сакаат да остават добар впечаток, сè под изговор дека не вреди.

Ама многу вреди да го искажеш својот став во ова сурово општество, ако не побараш никој нема да ти даде, ако не земеш никој нема да ти подари, не е крадење, земи го тоа што е твое!

Време е за промени, затоа што веќе ми се гади од она што го проголтнав несоџвакано. Не можам, тоа е силен револт, кон себе, кон сите, чудно е тоа кога сфаќаш дека некаде и некому си марионета. Дека некој си поигрува со твојата попустливост, се каеш, а во тебе се раѓа лав спремен за борба кој до вчера бил маче, кое гребело само од милост.

Епа нема веќе така, затоа што ако си маче некој лав ќе те исплаши и ќе се повлечеш. Секогаш кога ќе покажеш разбирање добиваш манипулација, дозволуваш, но никој не е крив... „човек - човека волк“.

Н. Т. | Црнобело