Грижата за себе не е топол туш и чоколаден сладолед

Кога мислите на грижа за себе, прво што ви доаѓа на памет е прекрасен вкусен десерт, после кој ќе си дозволите долг, топол туш со омилениот домашен спа-третман.

Грижата за себе е да водите евиденција за трошоците и да не се оставате во незавидна финансиска состојба. Да си подготвите здрав оброк, наместо да изедете калоричен бургер и да си ги решавате проблемите, наместо да се обидувате да избегате од нив.

Често, грижата за себе не е нешто што е убаво за правење. Грижата за себе вклучува и прекинување токсични односи и оддалечување од луѓето кои физички и емоционално ве „трошат“.

Да се грижиш за себе значи и да најдеш начин да заработиш нешто повеќе, а во слободниот ден да не се колебаш да не одговараш на здодевните телефонски повици.

Грижата за себе не треба да ви биде луксуз кој си го дозволувате одвреме-навреме, туку треба да ви биде нешто што секој ден го правите.

Вистинската грижа не е кога се туширате, кога нанесувате маска за лице и правите пилинг на телото, ниту кога си дозволувате парче чоколадна торта. Вистинската грижа е кога ќе направите избори во кои ќе уживате и нема да сакате да избегате од нив.

Затоа, бидете нормални, бидете свои, па дури и ако тоа значи дека ќе повредите некого.

Бидете херој на својот живот, а не жртва на вашето секојдневие!

Е. Д. | Црнобело / Фото: depositphotos.com