Поучна приказна: Kако да се ослободиме од лошите навики?

Еден богат човек му се пожалил на еден стар учител дека сака да го одвикне синот од лошите навики и побарал помош од него. Учителот прифатил и го земал детето на прошетка во градината.

Потоа застанал на едно место и побарал од момчето да откорне една мала билка, која израснала недалеку од местото каде што стоеле.

Момчето ја фатило билката со палецот и показалецот и ја откорнало од земјата. Потоа учителот му рекол да откорне малку поголема билка.

Момчето ја повлекло и ја откорнало и неа.

Потоа му кажал да откорне една грмушка.

Момчето морало да ја употреби сета своја сила и едвај ја откорнало грмушката.

Потоа, учителот му рекол да откорне едно дрво. Момчето го грабнало дрвото со двете раце, но стеблото воопшто не мрднало.

На крај се предало и рекло:

„Ова не е возможно.“

„Е така и со лошите навики. Кога се млади лесно е да ги откорнеме, но кога ќе се развијат тешко е да ги искорениме“, му кажал учителот.

Извор