Кога некому не сте важни, не треба да наоѓате оправдувања за тоа

Колку и да ни е тешко да го признаеме тоа, некогаш има луѓе кои многу ни значат, но ние ним не им значиме ниту половина од тоа. Затоа, кога еднаш ќе сфатите, не чекајте да ви биде покажано истото уште сто пати.

За да сфатите дека некому не сте важни, не ви се потребни школски часови за тоа. Ако немаат време за вас, за вашиот живот и за нештата кои вие ги сакате, време е да се помирите дека на таа личност не ѝ значите толку многу.

Немојте да се уверувате себе дека претерувате со реакциите. Ако некој ве бара само за да ве натовари со своите проблеми, но нема време за вашите, тогаш не сте згрешиле ако сте помислиле дека таа личност во најголем дел од времето лесно може без вас.

Со тоа што ќе си го кажеме себе тоа јасно и гласно, се ослободуваме од ризикот да бидеме повредени и затворени во маѓепсан круг од токсични луѓе. Не ја губете енергијата дозволувајќи некому да ве третира како нему му одговара. Таа личност никогаш нема да престане да се однесува лошо со вас, додека вие самите не ставите точка.

Навистина е голема штета да го подаруваш своето внимание на овие луѓе. Тие не се спремни да го направат истото за вас, но се во состојба да ви се налутат ако не сте им на располагање константно.

Вие сте добра личност и сакате да им бидете на располагање на сите. Но, не ја ставајте својата добрина на распродажба.

Убаво е да одвоите дел од своето време и да дадете внимание, нежност и прегратка на оние на кои тоа им треба, но не по цена да бидете повредени од личност која во истата ситуација воопшто не би се грижеле за вас.

Затоа, прегрнете ги оние за кои знаете дека сте им важни. Поделете ја својата љубов со нив, ослободете го умот, пуштете вашето тело да се раздели од енергијата на луѓето кои ви се непотребни.

Ако некому не сте важни, а тоа јасно ви го даваат до знаење, тогаш зошто би задржувале некој нездрав однос кој не ви носи ниту љубов, ниту самоостварување, ниту самодоверба?

Е. Д. | Црнобело