„Боже, сакам да сум телевизор за моето семејство да се собира околу мене“

Учителка во основно училиште на своите ученици им дала задача да напишат состав за тоа што сакаат Бог да направи за нив.

На крајот од денот, додека ги оценувала составите, прочитала еден што многу ја погодил.

Нејзиниот сопруг ја видел расплакана и ја прашал што се случило.

Таа му рекла: „Прочитај го ова, тоа е состав од еден од моите ученици.“

„Боже, вечерва те молам да направиш нешто многу посебно за мене. Направи да станам телевизор.

Сакам да го заземам неговото место и да живеам како телевизор во мојот дом. Сакам да имам посебно место и моето семејство да се собира околу мене.

Сакам да ме сфаќаат сериозно кога зборувам. Сакам да бидам центар на внимание и да ме слушаат без прекинување и прашања.

Сакам да бидам во друштво на тато кога ќе си дојде од работа, дури и кога е уморен. Сакам мојата мајка да ме сака дури и кога е вознемирена, наместо да ме игнорира.

Сакам моите браќа да се тепаат за кој да биде со мене. Сакам да почувствувам како моето семејство остава сè на страна, барем понекогаш, само за да мине време со мене.

И на крај, последно, но не и најмалку важно, сакам да ги направам среќни и да ги забавувам. Боже, не барам премногу. Само сакам да живеам како телевизор“.

Во тој миг мажот ѝ рекол на жената: „Ах, сирото дете. Колку ужасни родители има“.

Жената го погледнала тажно и му рекла: „Овој состав го напишала нашата ќерка“.

Извор