Човекот - вечен должник на животната средина

Брзиот развој на технологијата и индустриската револуција нè доведе во една многу непосакувана ситуација на глобално ниво. Затоа ние, луѓето мораме да запреме и да се промениме.

Да тргнеме во друга насока и да го смениме начинот на размислување. Да почнеме да дејствуваме. Самите си ги уништуваме изворите кои ни даваат живот и ја уништуваме планетата.

Треба да ја развиеме свеста кај младите за големината на проблемот поврзан со екологијата. Треба да бидеме свесни за последиците со кои може да се соочиме на светско ниво, доколку го земеме овој проблем здраво за готово.

Уништувајќи ја животната средина ние се уништуваме самите себе.     

Доста е, премногу далеку отидовме. Губењето на нашата иднина не е иста како губење на банкнота, ние мораме да се освестиме и да преземеме мерки.

Процентот на загаденост постојано се зголемува. Глобалното затоплување е главен и најважен проблем со кој се соочува целиот свет. Развиената индустрија секојдневно испушта отровни материи во воздухот. Се гушиме. Не можеме да дишеме.

Водата во реките и езерата сè повеќе е загадена. Преплавена е со безброј отровни материи, а водниот свет трпи сериозни последици. Шумите се сè помалку населени. Многу животински видови изумираат во последните години, а со нивното изумирање се нарушува и синџирот на исхрана.

Отпадоците од пластика се насекаде околу нас. Зраците од сонцето се сè поштетни, а воздухот е позагаден.                                                     

Овде големо влијание има и модерната технологија која доведува до дисбаланс во животната средина што е последица на нејзиното големо влијание. Таа неконтролирано се развива, создавајќи одредени машини кои придонесуваат во загаденоста на воздухот.

Сè повеќе здгради околу нас, а сè помалку зеленило. Редно време е да се зголеми свеста за значењето на екологијата.

Затоа, ако ништо друго, одгледувајте барем некое цвеќе во мала саксија и отпадоците фрлајте ги во корпа наместо на земја. Рециклирајте. Грижете се за околината. 

Сакајте ја и почитувајте ја природата затоа што секое добро за екологијата е добро за сите.         

Т. Ѓ. | Црнобело