Слободно време е „научна фантастика“ кога си мајка
Спонзорирано од:
Спонзорирано од ОгласиЗаРабота.мк
Account Manager 28-02-2020
Менаџер 28-02-2020


Слободно време е „научна фантастика“ кога си мајка

Јееееј, викенд. Упс, за момент заборавив дека викендот изгледа поинаку кога си родител.

slobodno-vreme-e-naucna-fantastika-koga-si-majka-01.jpg

Особено кога си родител на речиси две годишно дете. Не, немаш опција да поспиеш и да лежиш во кревет до 10-11.

Немаш опција да излезеш и заглавиш до раните утрински часови, затоа што треба да си полн со енергија следниот ден.

Кога си мајка која оди на работа, некако слободно време е научна фантастика.

Ме нервираат активностите кои „мора“ да ги направам пред сè затоа што ми го скратуваат времето кое сакам да го поминам со ќерка ми.

А потребни ми се 15-20 минути во денот за себе. Кога сакам да здивнам од сè и од сите. Кога сакам да си посветам внимание на себе.

Почнав да уживам во пеглањето откако сфатив дека можам во мир и тишина да размислувам и да си го опуштам мозокот.

Но, најчесто, на крајот од денот, кога ќе го здогледам купот алишта, немам сила да фатам да пеглам.

Додека во работни денови, реалното време кое го поминуваме со нашите деца е 2 до 3 часа во денот, за викенд го имаме целото време на располагање.

slobodno-vreme-e-naucna-fantastika-koga-si-majka-02.jpg

Сакам да го искористам секој дел од денот да правиме нешто заедно.

Шетаме задолжително, читаме книги, возиме колички, пееме песни, готвиме заедно, переме заедно... Појадуваме, ручаме и вечераме заедно.

Денот ни почнува од 7 наутро и трае до 21 часот – турбо. Нема застанување. Одмор е научна фантастика.

Пиењето кафе во тишина е невозможно. Минутите за себе се кратки.

Сѐ уште го имам она чувство на грижа на совест кога нема да одам дома после работа. Како некој да ми ги одбројува часовите кои можам да ги поминам со неа пред да заспие.

Не сакам да пропуштам ниту еден момент.

Се трудам да излегувам кога веќе спие навечер за да не пропуштам нешто. Но, тоа подразбира да си легнам подоцна и да сум уморна следниот ден.

Честопати ќе видите постови по социјалните мрежи од пријателите кои немаат деца и уживаат во активности кои вие сега не би можеле да ги правите.

Немојте да ви е криво воопшто. Сѐ во свое време. Да се биде родител е привилегија.

Се прашувате дали и другите имаат грижа на совест како вас за тоа колку време поминуваат со своите деца? И мене ме мачи истото.

Но, на крајот на денот, јас сум таа која е среќна и исполнета за квалитетно поминатото време со ќерка ми. Мене ми било убаво и сум уживала.

На крајот на денот јас си ги правам приоритетите во животот. Времето лета. Децата растат и веќе утре нема да бидат зависни од вас.

Нема да го слушате неодоливото „мама“ штом се разбудат наутро.

Да, заборавете на слободното време за вас, но уживајте во мајчинството и во родителството со партнерот.

©CRNOBELO.com Забрането преземање и копирање. Крадењето на авторски текстови е казниво со закон.

Автор: Е. П. | Црнобело

Би можело да ве интересира:

Што да ти кажам за Македонија пријателе? Ех моја чудесна земјо Македонијо. Еве веќе некое време собирам храброст за да на...
Лујза Хеј: Лекувајте се со помош на љубовта Лујза Хеј е Aмериканка која се смета за основоположник на движењето за самопомош...
Нема да ја пополниш емотивната дупка ако најдеш дечко или сопруг по секоја цена Незнам што е, но постои нешто во нашево општество што ги тера жените да се сомне...

Најчитани неделава